Eusko Jaurlaritzak Itsas Eskualde Periferikoen Konferentzian parte hartu du, Shkodëren (Albania)

Mikel Anton, Europar Batasunerako zuzendariak, eta Marta Marín, Euskadiren EBko ordezkariak, Itsas Eskualde Periferikoen Konferentziako (CRPM) Buro Politikoan parte hartu dute. Konferentzia horretan, Europaren eraikuntzaren funtsezko alderdiei buruz aritu dira, hala nola Europako Parlamenturako ekainaren 9ko hauteskundeen emaitzei buruz edo EBren etorkizuneko zabalkuntzaren ondorioei buruz.

Eusko Jaurlaritzak ohartarazi du Europako politikak gero eta zentralizatuago daudela, eta bereziki nabarmendu du garrantzitsua dela eskualdeek kohesio-politikan duten pisuari eustea. Era berean, Atlantikoko Makroeskualdearen proiektuan aurrera egitearen garrantzia azpimarratu du, Europako erakunde berriak osatuta egon bezain laster, eta Atlantikoko korridorearen erdiko sarea egiteko epeei eustearen garrantzia.

Azkenik, CRPMren adierazpen politikoaren zirriborroa ere landu da, datorren urrian Gozon (Malta) egingo den Batzar Orokorrean onartuko dena.