Kanadako enbaxadako ordezkariak Euskadiko Larrialdiak Koordinatzeko Zentroan izan dira gaur goizean, larrialdiak kudeatzeko euskal sistemaren funtzionamendua ezagutzeko. Bisita instituzionalean, Kanadako kontsul Devon Zhangek eta Carla Gonçalves kontsul-agenteak lan-bilera bat izan dute Eusko Jaurlaritzako Larrialdiei Aurre Egiteko eta Meteorologiako zuzendari Joseba Zorrillarekin eta larrialdietan esku hartzeko, aurrea hartzeko eta koordinatzeko zerbitzuetako buruekin.