Iñigo Urkulluk esan du eskubideen kausa eta giza duintasuna “gizateriaren proiektu nagusia” dela Iñigo Urkullu Lehendakariak, gaur eguerdian, Estrasburgon René Cassin Giza Eskubideen Nazioarteko Institutuan Gernikako arbolako kimuaren landaketan parte hartu du. Landaketan Ana Otadui Bizkaiko Batzar Nagusietako presidenteak ere parte hartu du, eta René Cassin euskaldun unibertsalaren irudia eta lana aintzatesteko antolatu diren ekitaldiei amaiera eman die; horietan Lehendakaria izan da, Euskadiko ordezkaritza baten buru.

Cristina Uriarte Hezkuntzako sailburuak itunpeko ikastetxe sareko sindikatuek deitutako grebaren inguruko balorazioa egin du, lehen hiru greba egunen ostean. Uriarte sailburuak 8 eguneko greba deialdia neurrigabea dela esan du. Horregatik, Uriartek patronal eta sindikatuei hitz egiten jarraitzeko eskatu die akordioaren bila. “Denon artean bilatu behar dugu irtenbidea, denon ardura da hezkuntza sistemaren hobekuntza”, adierazi du.

Lur azpitik joango den tarteak 3.610 metroko luzapena izango du Pedro Asua kalearen eta Salburuako Bulebarraren artean, eta gainazalean 90.000 metro karratuko azalera utziko du libre hiri erabileretarako Geltoki berria egungo eraikinaren moldaketa izango da; bolumen osagarria gehituko zaio eta lur azpiko bi solairu izango ditu Sustapen Ministerioak, Eusko Jaurlaritzak, Arabako Foru Aldundiak eta Gasteizko Udalak osatzen duten “Vitoria-Gasteiz Abiadura Handia” sozietate publikoaren administrazio kontseiluak baieztatu duenez, abiadura handiaren Vitoria-Gasteizko sarbideak egungo Madril-Hendaia linea konbentzionalak hiritik pasatzean eratzen duen igarobidea baliatuko du, hirian zehar lur azpitik joateko, Pedro Asua kalearen eta Salburuako Bulebarraren artean. 3.610 metro luze den lur azpiko tarteak gainazalean 90.000 metro karratu utziko ditu libre, hiri erabileretarako.

Helburua, dagoeneko existitzen diren azpiegiturak ahalik eta gehien baliatzea da, Bizkaiko lurraldea egituratuz, metroaren lineei Galdakaorako eta Usansoloko Ospitalerako konexioa emanez, eta horiek Durangaldeko eta Busturialdeko eskualdeekin lotuz Ahalik eta biztanleria gehien biltzea eta inbertsioen kostua arrazionalizatzea bilatzen da Eusko Jaurlaritzak eta Bizkaiko Foru Aldundiak proiektua gauzatzeko konpromiso bateratua hartu eta jarduketa egutegia adostu dute  Arantxa Tapia Ekonomiaren Garapen eta Azpiegitura Sailburua eta Unai Rementeria Bizkaiko Ahaldun Nagusia batera agertu dira, pertsona eta auzo gehiagori zerbitzua eskainiz Galdakao eta Usansoloko Ospitalea metro sarearekin eta Euskotrenen sarearekin lotuko dituen proposamen berria aurkezteko.