Nerea Melgosaren bilera Terrorismoaren Biktimen Fundazioarekin

• "Biktima guztiak eta haien familiak batu eta errespetatu behar dira – hogeigarren urtean gaude –, eta politikak garatu behar dira estremismoen eta bakearen, bizikidetzaren eta guztion ongiaren aurka doazenen aurka burrukatzeko"

Madril 07 03 24

Nerea Melgosak, Eusko Jaurlaritzako Berdintasun, Justizia eta Gizarte Politiketako sailburuak, bilera egin du gaur Juan Francisco Benito Terrorismoaren Biktimen Fundazioko presidentearekin. Nerea Melgosak nabarmendu duenez, "gaur inoiz baino gehiago nabarmendu behar da elkarlan hori: biktima guztiak eta haien familiak batu eta errespetatu behar dira -M 11ren hogeigarren urteurrenean gaude-, eta politikak garatu behar dira estremismoen eta bakearen, bizikidetzaren eta guztion ongiaren aurka doazenen aurka borrokatzeko". Fundazioaren helburu nagusiak honako hauek dira: "balio demokratikoak, giza eskubideen defentsa, herritarren aniztasuna eta askatasuna sustatzea eta zabaltzea, eta, aldi berean, terrorismoaren biktimen kolektiboaren egoera hobeto ulertzeko kontsulta-bide baliagarria izatea".

Terrorismoaren Biktimen Fundazioak laguntza-sistema bat du terrorismoaren biktimek edo haien senideek izan ditzaketen beharrei zuzenean erantzuteko, indarrean dagoen araudiaren arabera administrazio publikoek aldez aurretik artatu ez badituzte.