Eusko Jaurlaritzak gobernuaren lehen 100 egunak aztertzen ditu

Eusko Jaurlaritzako Gobernu Kontseilua
bildu da aste honetan
eta erabaki batzuk hartu ditu.

Maria Ubarretxena Eusko Jaurlaritzako bozeramaileak
hartu dituzten erabakiak azaldu ditu
eta gobernuaren lehen 100 egunei buruz hitz egin du.

Gobernu berriaren lehen 100 egunak

Eusko Jaurlaritza berriak 100 egun bete ditu lanean,
Imanol Pradales Lehendakariak eta bere taldeak
ekainaren 25ean karguak hartu zituztenetik.

Maria Ubarretxena Eusko Jaurlaritzako bozeramaileak
esan du gobernu honek ilusioz lanean
eta erabakiak hartzen jarraituko duela
euskal herritarren bizitza hobetzeko,
huts egiteko beldurrik gabe.

Beraz, lan egingo dute hauek lortzeko:

• Euskal herritar guztien beharrei erantzuteko
  eta ongizatea ziurtatzeko.
• Autogobernua indartzeko
• Beraien iritziz ondo dagoena egitea eta esatea,
  beste pertsona batzuek diotenagatik mugatu gabe.

Gainera, gobernu berri horrek lan egin nahi du
gizarte eragile, enpresa eta talde politiko guztiekin
akordioak lortzeko eta herritarrak gehien kezkatzen dituzten
gaietan lan egiteko: osasuna, hezkuntza, etxebizitza,
enplegua, segurtasuna…

Eusko Jaurlaritzak dagoeneko akordioak lortu ditu
gai hauetan aurrera egiten jarraitzeko:

• Osasuna: Osakidetzako arreta zerbitzua hobetzeko,
  horrela itxarote zerrenda motzagoak izan daitezen
  eta pertsonek medikuntzako arreta erraz jaso dezaten.
  Gai honetan aurrera egiten jarraitzeko,
  beste bilera bat egingo da urriaren 9an, asteazkena.

Gainera, programa bat jarri da martxan
prestakuntza bukatzen ari diren mediku egoiliarrek
Osakidetzan lanean hasi ahal izateko.
Helburua da pertsona horiek
lan bila atzerrira joan behar ez izatea.

• Etxebizitza: martxan jarri da Euskadin
  urte batzuen buruan alokairu publikoko
  7 mila etxebizitza eskaini ahal izateko prozesua.

• Enplegua: EPE berriak onartu dira.
  Ia 5 mila lan postu eskainiko dira gai hauetan:
• 200 lanpostu hezkuntzan.
• 700 lanpostu osasunean.

Gainera, Eusko Jaurlaritza lanean ari da
enplegu-legea sortzeko.
Lege berri horrekin, honako hau lortu nahi da:

• Lan-harremanak hobetzea.
• Soldata-arrakalarik ez egotea, hau da,
  soldata bera izatea lanpostu berean lan egiten duten
  emakume eta gizonentzat.

Eusko Jaurlaritza beste gai hauetan ere
ari da lanean:

• berrikuntza planak administrazioan,
  enpresetan eta unibertsitatean
• gazte ekintzaileentzat laguntzak
• euskara ikastea doan izan dadila
• Basquefik finantza-enpresa taldearen
  lehen kontseilua sortzea.

Lehendakariaren agenda

Gobernuaren lehen 100 egunetan zehar
Lehendakaria pertsona hauekin bildu da:

• María Chivite Nafarroako Gobernuaren presidentearekin.
  Bilera hau oso garrantzitsua izan da
  hitzarmen eta kontzertu ekonomikoari buruzko
  artikulu bateratu bat sinatu dutelako.

• Pedro Sánchez Espainiako Gobernuaren presidentearekin.
  Bilera honetan, adostu dute
  Aldebiko Lankidetza Batzordearen lehen bilera egitea.

Lehendakariak bilera garrantzitsu hauek ere izango ditu:

• Urriaren 2tik 4ra Maltan, Itsas Eskualde Periferikoen
  Konferentziaren 52. batzar orokorra.
  Bertan, Lehendakaria hautagai gisa proposatuko da
  Arku Atlantikoaren Batzordearen lehendakaritzarako.

• Urriaren 7an, Baionan Jean-René Etchegaray
  Iparraldeko Mankomunitateko lehendakariarekin,
  Euskal Herriaren ipar eta hegoaldeko elkartasuna indartzeko.

Gobernu Kontseiluak hurrengo lau urteetako
gobernurako egutegia onartu du.
Orain Eusko Legebiltzarrera  bidaliko da egutegi hori.

4 urte horietan, Eusko Jaurlaritzak
17 lege onartu nahi ditu.
Adibidez, gai hauetarako legeak egin nahi ditu:

• Denden jarduera arautzea.
• Administrazioek azkarrago erantzun ahal izatea
  eta herritarrek izapideak errazago egin ahal izatea.
• Gardentasuna, herritarrek jakin dezaten
  administrazioek zer egiten duten
  eta informazio publiko irisgarria erraz lor dezaten.
• Pertsona guztiak berdin tratatuak izan daitezela
  eta diskriminazioaren aurka borrokatzea.
• Euskaditik kanpo bizi diren euskaldunentzako laguntza
  gizarteak bizi dituen aldaketetara egokitzeko.
• Unibertsitatea, irakasleen eta ikertzaileen
  lan-baldintzak hobetzeko.
  Baita ikasketa-eskaintza hobetzeko
  eta adin guztietako pertsonei ikasketak eskaintzeko ere.

Programa eta erakundeentzako laguntzak

Eusko Jaurlaritzak laguntzak ematea onartu du
programa eta erakunde hauetarako:

• Euskadiko Merkataritzako Bulego Teknikoak:
  2 milioi euro jasoko dituzte tokiko merkataritzari
  lagun diezaioten berrikuntzan, kalitatea hobetzean,
  teknologia berriak erabili ditzaten...
  Baita hori dena egin dezaten iraunkortasunaren
  eta iraunkorra gizonen eta emakumeen arteko
  berdintasunaren alde lan eginez.

• Ikertzaileak prestatzeko doktoretza-aurreko programa:
  465 mila euro jasoko ditu Euskaditik kanpoko
  unibertsitateetan ikertzen duten
  eta oraindik doktorego-titulurik ez duten
  ikertzaileen gastuak ordaintzeko.
  Horrekin, pertsona horien prestakuntza hobetu
  eta egiten dituzten ikerketak ezagutarazi nahi dira.

• Animalien ongizatearen ziurtagiria:
  142 mila euroko laguntza nekazaritza-sektoreko
  kooperatiba, elkarte edo enpresek
  ziurtagiri hau 2024an zehar lor dezaten.

• Kulturen eta immigrazioaren arteko bizikidetza:
  Tokiko erakundeentzako laguntzak,
  hainbat kultura elkarrekin ondo bizitzeko
  eta etorkinak gure gizartean integratzeko
  jarduerak martxan jartzeko.
  Baita bi gai horiei buruzko prestakuntza duten
  teknikariak kontratatzeko ere.

• Bilboko Arte Ederren Museoa Fundazioa:
  Ia 167 mila euroko laguntza jasoko du
  bere instalazioetarako, arte-bildumarako
  eta euskal artearen datu-baserako.
  Kopuru hori Eusko Jaurlaritzak aurten
  ematen dion laguntzaren bigarren ordainketa da.