Eusko Jaurlaritzako Gobernu Kontseiluko berriak

Eusko Jaurlaritzako Gobernu Kontseilua
bildu da aste honetan
eta erabaki batzuk hartu ditu.

Bingen Zupiria Eusko Jaurlaritzako bozeramaileak,
Olatz Garamendi Gobernantza Publiko eta Autogobernuko sailburuak
eta Jokin Bildarratz Hezkuntza sailburuak
hartu dituzten erabakiak azaldu dituzte.

Unibertsitatea eta ikerketa

Eusko Jaurlaritzak apustu handia egin du
unibertsitate eta ikerketaren alde azken urteetan.
Orain 45 milioi euro gastatzea onartu du honako hauetarako:

• Unibertsitateko ikasleentzako bekak: 28,5 milioi euro.
  Kopuru hori handiago izan daiteke
  behar duten familia gehiago badaude.
  Beti ere, baldintzak bete behar dituzte.

• Doktorego-aurreko laguntzak: 11,2 milioi
  Kopuru hori handitu egin da beste urteekin alderatuta.
  Laguntza hori doktoregoa lortu baino lehen unibertsitatean
  ikerketa egiten duten ikasleen prestakuntzarako da.
  Orain doktoregoa lortu duten ikasleek ere
  jaso dezakete 4 urtez.

• Doktorego-ondoko laguntzak: 5,4 milioi euro.
  Kopuru hori 88 ikertzaileen artean banatuko da
  3 urteko kontratuan zehar eta 4. urte batez luza daiteke.

• IKAS-IKER bekak: 330 mila euro.
  Kopuru hori oinarrizko ikerketa lanetan
  parte hartzen duten ikasleentzat dira.

• Kongresu eta bilkura zientifikoak: 200 mila euro.
  Kopuru hori aurtengo azken 6 hilabeteetan egingo diren
  mota horietako ekitaldiak egiteko dira.

Emantzipa programa

Eusko Jaurlaritzak onartu du Emantzipa programako laguntzak
nola emango diren arautuko duen dekretua.

Programa honek gazteei lagundu nahi die
modu independentean bizi ahal izateko.

Onartutako beste laguntzak

• Osalan: 400 mila euro laneko segurtasun
  eta osasunari buruzko ikerketa proiektuetarako.
  Baita “safera” europar programaren barruan daudenentzat ere.

• INDARTU programa: 23 milioi euro.
  Kopuru hori enpresa eta zentro teknologikoentzako
  dirulaguntzetarako izango da.

• AZPITEK programa: 6,7 milioi euro.
  Kopuru hori izango da Euskadiko trantsizioekin lotutako
  zientzia eta teknologia proiektuetarako.

• FINKATUZ funtsa: 300 milioi
  Kopuru horrek Finantzen Euskal Institutuari
  erabaki gehiago hartzeko ahalmen handiagoa emango dio.

• Elkargirekin
  Honek balioko du sozietate horrek
  2023an ETEentzako eta autonomoentzako
  kredituetan gastatu duena ordaindu ahal izateko.