Eusko Jaurlaritzako Gobernu Kontseiluko berriak

Eusko Jaurlaritzako Gobernu Kontseilua aste honetan bildu da

eta erabaki batzuk hartu ditu.

Bingen Zupiria Eusko Jaurlaritzako bozeramaileak

eta Jokin Bildarratz Hezkuntza sailburuak

hartu dituzten erabakiak azaldu dituzte.

Hezkuntzako dirulaguntzei dagokienez

Eusko Jaurlaritzak onartu du Hezkuntza Sailaren

2023. urterako Dirulaguntzen Plan Estrategikoa.

Bildarratzek azaldu du plan horrek balioko duela

euskal hezkuntza sisteman

gauzak ondo egiteko, eraginkorrak eta gardenak izateko.

2023an, Eusko Jaurlaritzak emango ditu

175 milioi eurotik gorako dirulaguntzak.

Diru horrekin bekak eta laguntzak emango dira:

• eskolatzerako

• unibertsitaterako

• Lanbide Heziketako eta unibertsitateko ikasleen
  eta ikertzaileen mugikortasunerako.

Zor publikoari dagokionez

Eusko Jaurlaritzak baimena eman du

ia 1.200 milioi euroko maileguen zor publikoa jaulkitzeko.

Hori Euskal Autonomia Erkidegoko 2023ko

Aurrekontu Orokorren Legearen barruan sartzen da.

Europar funtsen banaketari dagokionez

Eusko Jaurlaritzak onartu du Europar Batasuneko

funtsak banatzea zainketen ekonomiari

eta berdintasun- eta gizarteratze-politikei buruzko

proiektuak finantzatzeko.

Erakundeen arteko banaketa horrela geratu da:

• Eusko Jaurlaritzarako: 4 milioi euro baino gehiago.

• Arabako Foru Aldundirako: 5 milioi euro baino gehiago.

• Bizkaiko Foru Aldundirako: 17 milioi euro baino gehiago.

• Gipuzkoako Foru Aldundirako: 11 milioi euro baino gehiago.

Proiektuak gizarte-zerbitzuak modernizatzeko

eta indartzeko izango dira,

batez ere, pertsonen iraupen luzeko zainketara zuzenduak,

berritzaileak eta pertsonarengan zentratuak direnentzat.

“Berdintzen” bekei dagokienez

Eusko Jaurlaritzak onartu du 4 beka ematea,

beka bakoitza 7.500 eurokoa,

euskarari eta genero-berdintasunari buruzko

ikerketa-lanak egiteko.

Lehendakariaren eta Calviñoren arteko bilerari dagokionez

Datorren ostiralean, Urkullu lehendakaria

eta Nadia Calviño Ekonomia ministroa bilduko dira.

Bilera izango da Espainiako gobernuari eskatzeko

Eusko Jaurlaritzak gobernuarekin Europako funtsen

kudeaketa bateratua egitea.