(ebaluazioan)
Berriak Lehendakaritza

Eusko Jaurlaritzako Gobernu Kontseiluaren berriak

2021-11-23

Eusko Jaurlaritzako Gobernu Kontseilua bildu da aste honetan

eta erabaki batzuk hartu ditu.


Bingen Zupiria Eusko Jaurlaritzako bozeramaileak,

eta Beatriz Artolazabal Berdintasun, Justizia

eta Gizarte Politika sailburuak hartu dituzten erabakiak azaldu dituzte.

 

Azaroaren 25a: Emakumeen kontrako indarkeria
desagerrarazteko eguna

 

Gobernu Kontseiluak adierazpen instituzionala onartu du

azaroaren 25a dela eta.


Artolazabal sailburuak prentsaurrekoan irakurri du.


Eusko Jaurlaritza emakumeen kontrako

indarkeria mota guztien aurka dago

eta lanean jarraituko du emakumeak bizi ahal izateko

indarkeriarik gabeko gizarte batean.

 

Eusko Jaurlaritzak gogoratu ditu eta laguntza adierazi die

indarkeria matxistaren biktima diren eta bizirik atera diren

emakume guztiei eta baita beraiekin lan egiten duten profesionalei ere.

 

Adierazpenean ere aipatzen da Emakumeen eta Gizonen

Berdintasunerako Legearen aldatzea onartuko dela.


Eta horrek balioko duela Eusko Jaurlaritzak

indarkeria mota horrekin bukatzeko

berdintasun politikak lantzen jarraitzeko.

 

Sailburuak hitz egin du ere Eusko Jaurlaritzak

egindako azterlanaren ondorioei buruz.


Azterlanak erakusten du euskal gizarteak nola ikusten duen

emakumeen aurkako indarkeriaren arazoa:

  • Lehen baino konprometituago eta sentsibilizatuago dago.
  • Gero eta neurri gehiago eskatzen ditu arazo horrekin bukatzeko.

 

Diru-laguntzak

 

Gobernu Kontseiluak laguntzak gehitzea onartu du

Ekonomiaren Garapen, Jasangarritasun

eta Ingurumen Saileko programa hauentzako:

Bilakatu, Emaitek, Azpitek eta Hazitek.


Saileko beste programa batzuetan

gastatu ez den dirua erabiliko da.

 

Gobernu Kontseiluak onartu du 5 milioi euro ematea

Euskal Autonomia Erkidegoko egunkari eta irratientzako laguntzetan.


Laguntza horiek ematen dira komunikabideen sektoreak ere

COVID-19agatik ondorioak jasan dituelako:

egunkari gutxiago saldu dira eta irratian publizitatea gutxitu egin da.

 

Gobernu Kontseiluak onartu du Errenteriako Udalari

milioi bat euroko laguntza ematea.


Diru hori kultura eta sormen-ekintzailetzako

gune berri bat eraikitzeko da: “Agustinak Sormen Enpresen Zentroa”.

 

Pandemiaren egoera

 

Gotzone Sagardui sailburuak azken datuak eman ditu

koronabirusaren egoerari buruz Euskadin.


Baita Eusko Jaurlaritzak datozen egunetan har ditzakeen

neurriez ere hitz egin du. 

 

Iruzkin bat
  • 2021-11-24

    no estaría ,yo tan segura ,las apariencias en gañan, la violencia sea normalizado en general ,

Iruzkinak itxita daude dokumentu honetan