Eusko Jaurlaritzako Gobernu Kontseiluaren berriak

Eusko Jaurlaritzako Gobernu Kontseilua bildu da aste honetan

eta erabaki batzuk hartu ditu.


Bingen Zupiria Eusko Jaurlaritzako bozeramaileak

hartu dituzten erabakiak azaldu ditu.

 

Pandemia gelditzeko neurri eraginkorrak

 

Eusko Jaurlaritzak esan du azken datuek

erakusten dutela pandemia gelditzen ari dela.


Datu horiek diotena da:

• pertsona gutxi kutsatzen direla.

• pertsona gutxi daudela ospitaleratuta
  edo Zainketa Intentsiboetako Unitatean.

 

Horrek esan nahi du Eusko Jaurlaritzak hartutako neurriak

eraginkorrak izan direla pandemia gelditzeko.

 

Oraindik ez dakigu zein den koronabirusaren jatorria

eta zer tratamendu erabili gaixotasun honetarako.


Horregatik, txertoa da kutsatzeak gelditzeko tresnarik onena.

 

Euskadin, herritarren %90ak txertoaren bi dosiak ditu dagoeneko.

 

Guzti hau dela eta, beharrezkoa da neurri berriak ezartzea

normaltasunera itzultzeko.

 

Hala ere, pandemia oraindik mundu osoan dago,

eta beharrezkoa da herritarrek kontu izatea.

 

Eusko Jaurlaritzak gogoratu ditu

gaixotasun honengatik hil diren pertsonak, haien familiak

eta oraindik sendatu ez diren pertsonak.

 

Justizia

Alarma Estatuan zehar, pertsona batzuk zigortu ziren

herritarren segurtasuna babesteko legea ez betetzeagatik.


Orain, Eusko Jaurlaritzak baimena eman du

pertsona hauek aurkeztu zituzten errekurtsoak bertan behera uzteko.

 

Berdintasuna

Eusko Jaurlaritzak jaso ditu:

• 2020ko datuak emakume eta gizonen egoerari buruz Euskadin.

• Euskadiko emakumeen eta gizonen berdintasunerako 7. planagatik
  administrazio publikoek egin dutena azaltzen duen memoria.

 

Diru-laguntzak

 

Eusko Jaurlaritzak laguntzak emango dizkie hauei:

 

1. Euskadiko arrantza eta akuikultura sektoreari.


Honekin arrantza berritzailea eta jasangarria bultzatu nahi ditu.


Hauetan oinarritutako arrantza mota bat:

• teknologian

• energia eraginkortasunean

• sektorean lan egiten duten pertsonetan.

 

2. 2021-2022 ikasturterako mugikortasun programei.


Programa honek unibertsitateko eta goi mailako

arte eta kirol irakaskuntza ikastetxeetako ikasleei

laguntzen die denbora baterako Euskaditik kanpo ikas dezaten.

 

3. Euskampus Fundazioari Lankidetzarako

Mugaz Gaindiko Laborategien Sarea bultzatzeko.

 

4. Bi ikerketa zentro hauei:

• Achucarro ikerketa zentroa

• Basque Center on Cognition Brain and Language.

Honek Neurobiozientzian ikertzeko ekipamenduak erosteko balioko du.

 

5. Merkataritzako Bulego Teknikoei,

bulego hauetan bultzatzeko:

• berrikuntza

• teknologia berriak erabiltzea

• lankidetza estrategiak.

 

Euskara

Eusko Jaurlaritzak hitzarmena onartu du hauen artean:

• HABE, Helduen alfabetatze eta berreuskalduntzerako erakundea

• Gipuzkoako Foru Aldundia.

 

Hitzarmen hau Gipuzkoako helduek

B2 mailara arte euskara doan ikasi ahal izateko.

 

Kultura

Eusko Jaurlaritzak dekretua onartu du

Euskal kultura ondarearen erakunde arteko organoa

nola osatu eta antolatzen den eta dituen funtzioak arautzeko.

 

Organo hau Eusko Jaurlaritzarekin, aldundiekin eta udalekin

komunikatzen da eta lankidetzan aritzen da

euskal kultura ondarearen babeserako sistema bera edukitzeko.