(ebaluazioan)
Berriak Lehendakaritza

Eusko Jaurlaritzako Gobernu Kontseiluaren berriak

2021-01-19

Eusko Jaurlaritzako Gobernu Kontseiluak bilera egin du aste honetan, eta erabaki batzuk

hartu ditu.

 

  1. urteko lehen bilera izan da.

Bileraren ondoren, Bingen Zupiria Eusko Jaurlaritzako bozeramaileak eta Gotzone

 Sagarduy Osasuneko sailburuak azaldu dute zer erabaki duten.

Covid-19 txertaketa-kanpaina dela-eta.

Txertaketa-prozesuak aurrera jarraitzen du Euskadin.

 

Sailburuak esan du elkartasunez ari dela egiten, alegia, lehenengo, behar handiena

duenari; eta zuhurtziaz, iristen zaizkigun txerto batzuk gerorako utziz, bermaturik gera

dadin lehen dosia hartu dutenei bigarrena ere eman ahal izango zaiela.

 

Dagoeneko ia 30.000 txerto jarri dira.

Jadanik, egoitzetan bizi diren nagusi guztiek jarria dute lehen dosia, eta hasiak gara

bigarrena ematen.

 

Osakidetzako osasun-profesionalei, berriz, joan den ostiralean hasi ginen txertoa

jartzen.

 

900 baino gehiago txertatu dira jada.

 

Sailburuak esan duenez, nahikoa txerto edukitzea ez dago ez Eusko Jaurlaritzaren ez

Osasun Ministerioaren esku.

 

Txertoak Europar Batasunak erosten ditu, eta gero herrialdeen artean banatzen dira.

 

Euskadin, bidaltzen dizkiguten txertoak Pfizer-Biontech eta Moderna enpresenak dira.

 

Erdiak gorde egiten ditugu.

 

Eusko Jaurlaritzak uste du hori dela modurik onena ziur egoteko bigarren dosirako

behar direnak ere edukiko ditugula txerto-bidalketak huts egiten badu.

 

Pandemiaren datuak ez dira onak.

 

Kutsatze-kasuek gora egiten jarraitzen dute egunetik egunera, eta badirudi datozen

egunetan ere horrela jarraituko dugula.

 

Ospitaleetan tentsioa nabaritzen hasi dira, Covid-19aren ondorioz gaixorik daudenen

kopuruak gora egin duelako.

 

Birusaren transmisioa murriztea lor daiteke, guztiok arduraz jokatzen badugu.

 

Eusko Jaurlaritzako sailak

 

Gobernu Kontseiluak bi dekretu onartu ditu.

 

Dekretu horietan esaten da  nolakoak izango diren sailak pertsonei dagokienez eta

haien funtzioei dagokienez.

Gaur, Lehendakaritzaren egitura onartu da, baita sail hauetakoa ere:

  • Segurtasuna, Lana eta Enplegua.
  • Gobernantza Publikoa eta Autogobernua.
  • Lurralde Plangintza, Etxebizitza eta Garraioa.
  • Berdintasun, Justizia eta Gizarte Politikak.
  • Turismoa, Merkataritza eta Kontsumoa.

 

Hezkuntza

Gobernu Kontseiluak Hezkuntza Sailaren eta Hezkuntza Ministerioaren arteko

lankidetza-hitzarmen bat onartu du.

 

Hitzarmen horretan dago arauturik nola erabiliko diren Europar Batasuneko funtsetatik

Euskadira hezkuntza-jardueretarako etorriko diren 4 milioi euroak.

 

Berriki, beste errektore bat aukeratu dute Euskal Herriko Unibertsitatean.

 

Kargu hori berritzen duten dekretuak ere onartu dira.


Lehen mailako arretako soldataren osagarria

Gobernu Kontseiluak soldata % 4 igotzea onartu du lehen arretako zentroetako

(anbulatorioak) administrazioan lan egiten dutenentzat.

 

Neurri hori osasun-sektoreko mahaian proposatu zuten, abenduaren 10eko bileran.

 

Mahai horretan, Eusko Jaurlaritza eta sindikatuak batzen dira (ELA, SATSE, LAB, SME,

CCOO eta UGT).

 

Prentsa-txostena

 

 

Oraindik ez dago iruzkinik
Iruzkinak itxita daude dokumentu honetan