Eusko Jaurlaritzako Gobernu Kontseiluaren berriak

Eusko Jaurlaritzako Gobernu Kontseiluak bilera egin du aste honetan, eta zenbait

erabaki hartu ditu.

Eusko Jaurlaritzako bozeramaile Josu Erkorekak eta Osasun sailburu Nekane Murgak azaldu

dute zer erabakitara iritsi diren.

Beste astebetez, prentsaurrekoa Internetez egin da.

Zer plan du Eusko Jaurlaritzak ohiko bizimodura itzultzeko?

Eusko Jaurlaritzak lanean segitzen du plan bat izateko herritarrak apurka-apurka eta

hainbat etapatan itzul daitezen  koronabirusaren arazoaren aurreko bizimodu

arruntera.

Normaltasun Berrira igarotzeko Trantsizio Plana

Plana martxan jartzeko, Eusko Jaurlaritzak behar du osasun-sistemako profesionalek

eman ditzatela:

• datuak, jakiteko gaixotasun horrek zelan segitzen duen kutsatzen

• jarraibideak, jarraitu behar direnak ez kutsatzeko

Horrez gain, herritarrek 3 gauza egin behar dute hurrengo hilabeteetan:

• gutxienez, metro 1 eta erdiko distantzia mantendu pertsonen artean

• maskarak erabili

• egunean, hainbat alditan garbitu eskuak; bereziki, beste pertsona batzuekin

• partekatzen ditugun tokietan.

Osasun-sistemako profesionalek egunero gero eta proba gehiago egiten dizkiete

pertsona eta talderik kalteberenei.

Eusko Jaurlaritzak 40 mila proba baino gehiago egin nahi ditu apirilean.

Horrela, profesionalek jakin dezakete:

• zenbat pertsona kutsatu diren.

• zenbat pertsona kutsatu dauden EAEko herri edo hiri bakoitzean.

• ea areagotu daitekeen kutsatzen diren pertsonen kopurua.

• ea pertsona gutxiago dagoen gaixorik
  eta egoera manten daitekeen luzaroan gaixo gutxirekin.

Eusko Jaurlaritzak esan du Osakidetzak jakin dezakeela nortzuk ematen duten positibo

proba egiten dietenean, eta pertsona horiek isolatu ditzakeela.

Horretarako, ospitaleak antolatuta daude, honako hauek dituzten pertsonen premiei

erantzuteko:

• koronabirusa

• bestelako gaixotasunak

Maskarak denentzat

Eusko Jaurlaritzak segurtatu nahi du pertsona guztiek  erraz eta merke lortzea

maskarak.

Hori dela eta, EAEko enpresak lanean ari dira, azkar, pertsona guztiek izan ditzaten

beharrezkoak diren babes-ekipoak.

Bizimodu berrira itzultzea

Apirilaren 27an, astelehenez, haurrak kalera irten ahal izango dira.

Kalera irteteko, honako hauek bete behar dira:

• denbora gutxi eman behar dute kalean

• metro 1 eta erdiko distantzia mantendu behar da pertsonen artean

• ezin dira taldekatu behar kalean.

Gainera, hona zer ari den antolatzen Eusko Jaurlaritza honako hauentzat:

• helduentzat: kirola egitea aire librean eta denbora gutxian.

• denda eta negozio txikientzat: apurka-apurka zabaltzea.
  Pertsonen osasuna segurtatuko da.

• Industrian eta eraikuntzan lan egiten dutenentzat:
  apurka-apurka itzul daitezela lanera
  Langileen osasuna segurtatuko da.

Apirilaren 13an, astelehenez, lanera itzuli ziren sektore askotan.

Bozeramaileak esan du lanera itzultze horrek egiaztatzen duela posible dela lan egitea

eta, aldi berean, langileen osasuna segurtatzea.

Eskoletara itzultzea

Planak esaten du zelan itzuli eskoletara ere.

Informazio hori aditzera eman aurretik, Eusko Jaurlaritzak plan horren zati bat

kontsultatu nahi die eskoletan lan egiten dutenei.

Planak honako 3 gai hauek aztertzen ditu:

• zer hezkuntza-eduki diren beharrezko

• zelan ebaluatu ikasleak, eta irakasleek zer erreminta izango dituzten
  ebaluatzeko.

• zelan itzuli klaseetara:
  adinaren arabera, apurka-apurka eta osasun-sistemako profesionalek diotenari
  jarraiki.

Eusko Jaurlaritzako zentroetako langileak

Eusko Jaurlaritza, era berean, lanean ari da antolatzeko nola itzuliko diren lanera Eusko

Jaurlaritzako zentroetako langileak.

Une honetan, bakarrik doaz zentro horietara oinarrizko zerbitzuetan lan egiten duten

pertsonak eta soilik aurrez aurre lan egin behar dutenak.

Pertsona horiek bete egiten dute Eusko Jaurlaritzako espezialistek diotena laneko

arriskuei aurre egiteko .

Une honetan, Eusko Jaurlaritzako zentroetan, 1.200 pertsona inguru ari dira lanean.

Normalean, 7.200 langile izaten dira.

 Eusko Jaurlaritzak nahi du pertsona horiek normaltasunez itzultzea lanera, apurka-

apurka.

Horretarako, zerbitzu publiko guztiak ari dira antolatzen nola itzuli, herritarrei

eskaintzen dizkieten zerbitzuen arabera.

Herritarrei irekitzen azkenak herritarrarenganako aurrez aurreko arreta-zerbitzuak

izango dira.  

Horrez gain, kontrolatuko da zenbat pertsona artatzen diren, eta higiene-neurriak

beteko dira.

Aisialdia eta ekitaldiak

Eusko Jaurlaritzak zenbait proposamen egin ditu antolatzeko nola gozatu berriro

aisialdiaz eta nola prestatu jendetza biltzen duten ekitaldiak.

Aste honetan, lehendakaria ahaldun nagusiekin eta Eudeleko lehendakariarekin

bilduko da aztertzeko zelan prestatu udan:

• jaiak

• ekitaldiak

• beste kultura-jarduera batzuk; adibidez, jaialdiak, kontzertuak, erakusketak...

Eusko Jaurlaritzak badaki zer ahalegin ari diren egiten etxean dauden herritarrek eta

badaki itzuli behar dutela lehengo bizimodura.

Baina adi-adi jarraitu behar dugu.

Zeren koronabirusa kontrolatzen ari gara, baina, laster, berriro ager daitezke kasu

berriak.

Gai-zerrenda

Prentsa-txostena