(ebaluazioan)
Berriak Enplegua eta Gizarte Politikak

Gorka Urtaran alkateak eta Beatriz Artolazabal sailburuak, 104 urte bete dituen Gasteizko emakume bat zoriondu dute.

2020-04-15

Gorka Urtaran alkateak eta Beatriz Artolazabal sailburuak,

Basilisa Maestre Ancin zoriondu dute,

104 urte bete ditu eta.

 

Basilisa Gasteizen bizi da, Aranbizkarra auzoan.

 

betiON Telelaguntza Zerbitzuak artatutako

Arabako emakume zaharrenetan bigarrena da.

 

Basilisa da betiON zerbitzuko erabiltzaileen artean,

hiritarrok etxean gelditu behar dugun egun hauetan,

Araban urteak bete dituen lehenengoa.

 

Hori dela-eta, Gorka Urtaran alkateak eta Beatriz Artolazabal sailburuak ere,

betiON zerbitzuko langileekin batera zoriondu nahi izan dute Basilisa,

senitartekoek eta lagunek ezin izan baitute zoriondu aurrez aurre.

 

betiON zerbitzuko langileek beti zoriontzen dituzte

urteak betetzen dituzten erabiltzaileak.

 

Basilisa zoriontzeko ekitaldia Lehendakaritzan, Eusko Jaurlaritzaren

egoitzan egin da, Gasteizen,

eta bideokonferentzia bidez egin da.

 

Sailburuak esan dio Basilisari oso eder dagoela

eta badakiela zer den urteak betetzea honelako egoeran.

 

Sailburuak ere apirilaren hasieran bete zituen urteak

eta ezin izan zuen egon senitarteko eta lagunekin.

 

Alkateak galdetu dio Basilisari zein den sekretua

104 urterekin hain ondo egoteko.

 

Sekretua lan asko egitea dela erantzun dio Basilisak.

 

Patatak biltzen ibili zen bera jornalari gisa.

 

Oso alkate ederra dela ere esan dio Basilisak.

 

Nafarroan jaio zen Basilisa, Marañonen.

 

Baina, urte askoz bizi izan da:

 

  • Gorrebuston
  • Kanpezun
  • Villafrían.

 

Gerra zibil garaian, Donostiara joan zen bizitzen

eta etxeetan ibili zen zerbitzari, beste emakume asko bezala.

 

Galtzerdiak ehuntzen ere ibili zen, gero herririk herri saltzeko.

 

Gaur egun , oso ondo dago osasunez Basilisa.

 

Gustuko du irakurtzea eta egun hauetan

Arabar Errioxari buruzko liburu bat ari da irakurtzen.

 

Itxialdia hasi aurretik, egunero joaten zen mezara.

 

BetiON zerbitzuak 100 urtetik gorako 130 erabiltzaile ditu

 

BetiON telelaguntza-zerbitzuan:

 

  • 100 urtetik gorako 130 erabiltzaile daude.
    Horietatik, 115 emakumeak dira.
  • Emakume zaharrena Donostian bizi da eta
    106 egin zituen martxoan.
  • Denetan zaharrena gizonezkoa da,
    Bilbon bizi da eta 107 urte egingo ditu uztailean.
  • Eta 2020an, 113 erabiltzailek beteko dituzte100 urte.
    Guztira, tele-laguntza jasotzen duten 243 pertsona egongo dira
    100 urte edo gehiagorekin eta bakarrik bizi direnak.

 

Gaur egun, 57.000 erabiltzaile ditu zerbitzu horrek.

 

Gehienak, bakarrik bizi diren emakumeak dira,

80 urtetik gorakoak.

 

BetiON-ek etxeko laguntzarako zerbitzu gehiago eskainiko ditu

 

BetiON tele-laguntza-zerbitzuak

telefono bidezko laguntzarako doako linea berri bat dauka

koronabirusaren krisiak sortu dituen

etxeko beharrei erantzuteko.

 

Koronabirusaren krisia dela-eta, erabiltzaile berriak daude,

baina ezin zaie une honetan aparatua etxeetan instalatu

betiON zerbitzuarekin komunikatzeko.

 

Doako telefono-linea berriarekin

zerbitzuko profesionalek

oraindik aparatua ez daukaten erabiltzaileen

beharrei eta kontsultei erantzun diezaiekete.

 

Horrez gain, betiON zerbitzuak jarrita zituen aurretik linea gehiago

zerbitzua bermatzeko koronabirusaren krisiak iraun bitartean.

 

Gainera, Eusko Jaurlaritzak

betiON zerbitzua eskatu nahi duten pertsonentzat

tramiteak erraztea erabaki du,

koronabirusaren krisiak irauten duen bitartean.

 

Zerbitzua eskatzeko, eskaera bidali beharko da

helbide honetara: telelaguntza@euskadi.eus.

 

Eta EZ da aurkeztu behar:

 

  • familiako medikuak betetako fitxa.
  • dagokion gizarte-zerbitzuaren txostena.

 

Zerbitzua ematen jarraitzeko, eta hala eskatuz gero,

dokumentu horiek aurkeztu beharko dira

isolamendua amaitu eta hurrengo bi hilabeteetan.

 

Oraindik ez dago iruzkinik
Iruzkinak itxita daude dokumentu honetan