Eusko Jaurlaritzaren Gobernu Kontseiluaren berriak

Eusko Jaurlaritzaren Gobernu Kontseiluak bilera egin du aste honetan, eta zenbait

erabaki hartu ditu.

Eusko Jaurlaritzako bozeramaile Josu Erkorekak,

Osasuneko sailburu Nekane Murgak

eta Lan eta Justiziako sailburu Maria Jesus San Josek

Gobernu Kontseiluak hartutako erabakiak azaldu dituzte.

Beste astebetez, prentsaurrekoa Internetez egin da.

Eusko Jaurlaritzaren plana ondo atera da

Duela hilabete 1 Eusko Jaurlaritzak:

• osasun-larrialdia deklaratu zuen koronabirusarengatik

• plan bat jarri zuen martxan
  gaixotasun horrekin ez kutsatzeko.

Eusko Jaurlaritzako bozeramaleak esan du

plana ondo ari dela funtzionatzen.

Osasun Sailaren eta Osakidetzaren datuen arabera,

koronabirusak eragindako egoera kontrolpean dago.

Astebetetik hona datuak onak dira:

• gero eta pertsona gutxiago kutsatzen da

• paziente gutxiago dago ospitaletan

• paziente gutxiago dago Zainketa Intentsiboetako Unitateetan.

Hori guztia, Osakidetzako

profesionalen lanari esker lortzen ari da.

Gai honetan adituek diote okerrena pasatu dela

eta Euskadi bigarren fase batean sartu dela.

Berriak onak diren arren, Eusko Jaurlaritzaren arabera,

gaixotasunak eragindako heriotzek mina ematen dute.

Koronabirusaren bilakaerari buruzko datuak

Osasuneko sailburuak eskura dauden azken datuen berri eman du

koronabirusa Euskadin nola eragiten ari den jakiteko.

Datuei buruzko informazioa:

Koronabirusak Euskadin eragin duen egoerari buruzko datu eguneratuak.

Lan-jarduerara itzuli

Euskadin, apirilaren 14an

itzuli dira lanera zenbait sektoretan.

Eusko Jaurlaritzak antolatu egin du lanerako itzulera hori,

modu ordenatuan egin ahal izateko.

Helburua da langileen segurtasuna

eta osasuna bermatzea.

Horretarako, Eusko Jaurlaritzak

“Jarduerari berrekiteko jarduketa-gida” prestatu du.

Gida egiten lagundu dute:

• sindikatuek

• enpresa erakundeek

• OSALANeko prebentzio-zerbitzuek

• Laneko Ikuskaritzak eta Gizarte Segurantzak.

Horrez gain, langileak

modu seguruan itzul daitezen lanera,

neurri hauek hartu dira:

• Garraio publikoa bermatzea langileen
  laneko sarrera eta irteera orduetan
• 500 mila maskara inguru banatu
  Euskadiko garraio publikoko gune nagusietan.
  Nahi dutenek erabil dezakete maskara.
• Pertsonek metro eta erdiko tartea
  errespetatu behar dute, gutxienez, euren artean.
• Eskuak sarri garbitu behar dira.

Gai-zerrenda

Prentsa-txostena