Eusko Jaurlaritzaren Gobernu Kontseiluaren berriak
Eusko Jaurlaritzako Gobernu Kontseilua aste honetan batzartu da, eta erabaki batzuk
hartu ditu.
Josu Erkoreka Eusko Jaurlaritzako bozeramaileak eta Nekane Murga Osasuneko
sailburuak azaldu dute zer akordiotara heldu diren.
Nola egingo dio aurre Euskadik koronabirusari?
Euskal Autonomia Erkidegoan, koronabirusak kutsatutako 13 kasu egiaztatuta daude:
- 10, Araban.
- 2, Gipuzkoan.
- 1, Bizkaian.
13 pertsona horietatik, 5 osasun-arloko langileak dira: medikuak edo erizainak.
Horretaz gain, 211 pertsona gehiagoren egoera aztertzen ari da, norekin egon diren
harremanetan jakiteko.
25 profesionalek osatutako talde bat ari da lanean Osasun Publikoko Zainketa
Beste 12 profesional gehiago sartuko dira lan-talde horretan.
Osakidetzan jarduteko protokolo bereziak aplikatzen ari dira.
Koronabirusak kutsatutako mediku-kopuruaren ondorioz, osasun-zentroetan mediku
gutxiago daude, batez ere Araban.
Baina sailburuak esan du lasai egoteko, pazienteei eman beharreko laguntza medikua
bermatuta dagoela.
Hondakinak Zaldibarren
Gobernu Kontseiluak premiazko neurriak onartu ditu, Zaldibarreko zabortegian
desagertutako langileen bilaketa-lanetan kentzen ari diren hondakinak beste leku
batean biltegiratzeko.
Lurrari eta hondakinei eusteko leku segurua izan behar du. Bi depositu eraikiko dira
enpresaren lurren barruan, bai eta deposituetaraino heltzeko sarbideak ere.
Dibertsitate funtzionala duten pertsonentzako lanpostuak sortzeko laguntzak
Gobernu Kontseiluak 700 mila euroko laguntza onartu du dibertsitate funtzionala
dutenek lanpostu bat aurkitzeko aukera gehiago izan dezaten.
Bi motatako laguntzak emango dira:
- Guztira, 4.000 euroko dirulaguntzak dibertsitate funtzionala duten pertsonak
kontratatzen dituzten enpresentzat, betiere kontratu mugagabeak eta lanaldi
osokoak egiten badizkiete.
- Guztira, 1.000 euroko laguntzak pertsona horientzako lanpostuak egokitzen
dituzten eta mota guztietako oztopoak kentzen dituzten enpresentzat (fisikoak,
komunikaziokoak, eta abar…).
Eusko Jaurlaritzak espero du laguntza horiei esker 200 kontratu mugagabe baino
gehiago egitea desgaitasunaren bat duten pertsonei.
Euskadiko Aholku Batzorde Juridikoa
EAEko administrazio publikoek egiten duten guztia legeen eta Zuzenbidearen
araberakoa dela zaintzen du batzorde horrek.
Orobat, udalekin zerikusia duten lege-arazoak daudenean lan egiten du.
Batzordeak kargua berritu dizkie 5 bokalei.
Ospe handiko juristak dira, eta 6 urte gehiago emango dute lanean batzordean.
Hona bokalak: Fátima Saiz, Imanol Zubizarreta, Iñaki Beitia,
Luis María Eskuin eta Maite Astigarraga Goenaga.
