Eusko Jaurlaritzaren Gobernu Kontseiluaren berriak
Eusko Jaurlaritzaren Gobernu Kontseiluak bilera egin du aste honetan, eta zenbait
erabaki hartu ditu.
Eusko Jaurlaritzaren bozeramaile Josu Erkorekak
eta Enpleguko eta Gizarte Politiketako sailburu Beatriz Artolazabalek
Gobernu Kontseiluak hartutako erabakiak azaldu dituzte.
Eusko Jaurlaritzak apirilaren 5erako iragarri ditu hauteskundeak
Jaurlaritzak erabaki du 2020ko apirilaren 5era aurreratzea
Eusko Jaurlaritzarako hauteskundeak.
Apirilaren 5eko hauteskundeetan
2 milioi pertsona inguruk bozkatu ahal izango dute.
Boto eman ahal izango duten pertsona horietatik,
75.000 Euskaditik kanpo bizi dira.
2016ko azken hauteskundeetan baino
6.000 pertsona gehiago bizi diran kanpoan.
Guztira, 75 ordezkari
hautatuko dira Eusko Legebiltzarrerako.
Eusko Jaurlaritzak lehendakariaren dekretua argitaratu du:
- Eusko Legebiltzarra desegiteko
- hurrengo hauteskundeak
Hauxe da hurrengo hauteskundeetako egutegia:
- otsailaren 12tik 19ra, alderdi politikoek
beren ordezkariak hautatuko dituzte Hauteskunde Batzordean.
- otsailaren 11tik martxoaren 26ra,
posta bidezko botoa eskatu ahal izango dute behar dutenek.
- otsailaren 11tik martxoaren 7ra,
posta bidezko botoa eskatu ahal izango dute
Euskaditik kanpo bizi diren pertsonek
- otsailaren 11tik aurrera debekatuta dago hauteskunde-propaganda egitea.
Udalek izendatuko dituzte
alderdi politikoek hauteskunde-kanpainan zehar
ekintzak egiteko erabili ahal izango dituzten tokiak eta espazioak.
- otsailaren 17tik aurrera, udaletxeetan kontsultatu ahal izango da
hautesle-errolda. Hau da, hauteskunde batzuetan botoa emateko
eskubidea duten herritarren zerrenda ofiziala.
- martxoaren 7tik 11ra, zozketa egingo da
hauteskunde egunean bozketa-mahaietan
egon beharko diren pertsonak hautatzeko.
- martxoaren 10ean argitaratuko da Euskal Herriko Agintaritzaren Aldizkarian
hautatuak izateko hauteskundeetara
aurkezten diren hautagaien zerrenda.
- Martxoaren 20tik apirilaren 3ra,
egingo da hauteskunde-kanpaina ofiziala.
- Apirilaren 30a aurretik egingo da Eusko Jaurlaritza berria
osatuko duten hautetsien izendapena.
- Maiatzaren 8a aurretik argitaratuko dira Euskal Herriko Agintaritzaren Aldizkarian
hauteskundeen emaitza behin betikoak.
- Maiatzaren hasieran osatuko da Eusko Legebiltzar berria.
Horrela jarriko da martxan Euskadiko 12. legegintzaldia.
Gizarte-politikak
Eusko Jaurlaritzak 4,7 milioi euro inbertituko ditu
Hirugarren Sektoreko entitateetan,
gizartea hobetzeko jardueretan laguntzeko.
Aurrekontu horrekin, Eusko Jaurlaritzak
lagundu egin nahi die desberdintasun-egoeran dauden edo
herritar gisa dituzten eskubide eta askatasunez gozatzeko zailtasunak
dituzten pertsonen beharrei erantzuten dieten eta haien
bizi-kalitatea hobetzen duten irabazi-asmorik gabeko entitateei .
