Lehendakariak Arabako Unibertsitate Ospitale berriaren obrak bisitatu ditu

Osasuneko sailburu Nekane Murgarekin,

Osakidetzako zuzendari nagusi Juan Luis Diegorekin

eta Osasun Saileko Osakidetzako Arabako hainbat ordezkarirekin,

Arabako Unibertsitate Ospitalearen

eraikin berria bisitatu du Txagorritxun.

Eraikin berria bisitatu aurretik,

ospitaleko arduradunek lehendakariari azaldu diote:

• nola antolatuko den.
  
  
• nolako ekipamenduak izango dituen.
  
  
• nolako pazienteak artatuko dituen.
  
  
• nolakoa izango den arreta.
  
  
• teknologia-berritasunak.

Ospitale berriak Zainketa Intentsiboen Unitatea izango du.

Unitate horretan artatuko dira

arreta berezia eta jarraitua behar duten

pazienteak, oso gaixo daudenak.

Zainketa Intentsiboen Unitateak

2.000 pertsona inguru artatuko ditu urtean.

Horretarako, unitateak 31 box ditu, banakakoak.

Box horietatik 6 gaixotasun kutsakorrak

dituzten pazienteak gainerakoetatik bereizteko

erabiliko dira, inor ez kutsatzeko.

6 box horiek 3 zatitan egongo dira bereizita.

Eusko Jaurlaritzaren ustez, ospitale berriak

Arabako osasun zerbitzu publikoa hobetzen lagunduko du,

arreta seguru, eroso eta eraginkorra eskainiko baitu.

Ekipamendu berriak Arabako Unibertsitate Ospitalerako

Eusko Jaurlaritzak aspalditik dihardu lanean

Arabako osasun sistema hobetzeko.

Azken 5 urte hauetan, zentro hauek jarri dira martxan:

Arabako Unibertsitate Ospitalea Txagorritxun:

• 2013an, Kanpo Kontsulten Eraikina,
  
  pazienteen gaixotasunak diagnostikatzeko
  
  ospitalean ingresatu gabe.
  
  
• 2016an:
  
  
  • Eguneko Ospitale Medikoa, ospitalean
    
    ordu batzuk baino egon behar ez duten pazienteentzat.
    
    
  • Ospitale Onko-Hematologikoa,
    
    odoleko minbizia dutenentzat.
    
    
  • Odol Banku berria,
    
    non odola analizatu eta gorde egiten den.
    
    
  • Bihotzeko Errahabilitazio Unitatea,
    
    infartua izan duten pazienteentzat
    
    

Arabako Unibertsitate Ospitalea Santiagon:

• 2016an:
  • Oftalmologia Zentroa,
    
    begietako gaixotasun guztiak tratatzeko.
    
    
  • Eguneko Ospitale Kirurgikoa, ebakuntza egin eta ospitalean
    
    ordu batzuk baino egon behar ez duten pazienteentzat.
    
    
• 2017an, Errehabilitazio Zerbitzua,
  
  istripu edo gaixotasun baten ondorioz
  
  gorputzeko funtzio edo jarduera bat berreskuratu behar dutenentzat.

Lehen Mailako Arretan:

• 2017an, Kanpezuko Osasun Zentro berria.
  
  
• 2019an, Murgiako Osasun Zentroa eraikitzen hasi dira.

Eusko Jaurlaritzak lanean jarraituko du

osasun-sistema ekipamendu berriekin bermatzeko,

Osakidetzako profesionalek

lana ondo egin ahal izateko

eta euskal herritarren beharrizanei erantzuteko.