Anthony Mynt sukaldari iparramerikarrarentzat izan da Basque Culinary World Prize 2019 saria

Ameriketako Estatu Batuetako sukaldari bat da Anthony Mynt.

Basque Culinary World Prize 2019 saria irabazi du.

Sukaldearen profesional bati ematen zaio sari hori urtero Euskadin, haren lanaren

aitorpen gisa.

Sukaldaritzan aditu diren pertsonez osatutako epaimahai batek hautatzen du irabazlea.

Joan Roca chefa izan da epaimahaiburua.

Munduan oso ezagun eta sona handiko diren zenbait sukaldari izan dira

epaimahaikide.

Tartean euskaldunak ere bai, hala nola Eneko Atxa edo Andoni Luis Aduriz.

Gastronomiari klima-aldaketaren ikuspegitik heltzen diolako hautatu dute Mynt

irabazle.

Sukaldari horrek bi proiektu ditu abian, eta horien bidez jatetxeen eta ingurumenaren

artean zer erlazio dagoen ari da ikertzen.

Zero Foodprint izena du proiektu horietako batek.

Helburua da jatetxeetan egiten den guztia ingurumenari kalterik ez egiteko moduan

egitea.

Esate baterako, elikagaiak erosten dizkien enpresei haien karbono-aztarna nola gutxitu

jakiteko aholkuak ematen dizkie.

Munduko jatetxe oso garrantzitsuak konbentzitu ditu horretaz, hala nola Danimarkako

Noma edo San Franciscoko Benu jatetxeak.

100 mila euro eraman ditu saritan, eta proiektu horiek bultzatzeko eta mundu osoko

jatetxeak jasangarritasunaren aldeko mugimendu horrekin bat egin dezaten animatzeko

erabiliko ditu.

Myntek esan du sari hau jasotzea oso garrantzitsua dela, sukaldari gisa egiten duen

lana eskertzen diolako.

Baina are garrantzitsuagoa dela epaimahaiko kide izan diren sukaldariak Zero

Foodprint proiektuarekin konprometitu izana

Horrek guztiak balioko du mundu osoko jatetxeek gizartea klima aldaketaren kontra

borrokatzera bultzatu dezaketela agerian jartzeko.