(ebaluazioan)
Berriak Enplegua eta Gizarte Politikak
Eu

Eusko Jaurlaritzak BetiON telelaguntza-zerbitzuaren 4 gida berri aurkeztu ditu

2019.eko uztailak 03

Beatriz Artolazabal Enpleguko eta Gizarte Politiketako sailburuak

Lide Amilibia Gizarte Politiketako sailburuak

eta Emilio Sola Gizarte Politiketako zuzendariak

Euskadiko betiON telelaguntza-zerbitzuaren

4 gida berri aurkeztu dituzte

 

BetiON Eusko Jaurlaritzak duen telelaguntza-zerbitzu publikoa da.

 

Telelaguntza-zerbitzua bakarrik bizi diren adineko pertsonentzat da,

edo desgaitasuna dutenentzat, larrialdi-kasuetan

beren etxetik laguntza eskatzeko erabil dezaketena.

 

Eusko Jaurlaritzak hobetu egin nahi du betiON zerbitzua

erabiltzaileei arreta ona eta pertsonalizatua emateko.

 

Horregatik, pertsona bakoitzaren beharretan oinarritzen da.

 

betiOn zerbitzua dutenek honako hauek dituzte:

  • telefono-linea bat
  • komunikazio- eta informatika-ekipo berezi bat.

 

Modu horretan, betiON zerbitzuko langile espezializatuek

arreta eskaintzen diete larrialdi bat duten edo laguntza behar duten pertsonei,

eguneko 24 orduetan eta urteko egun guztietan.

 

Zerbitzuak arreta hauek ematen ditu:

  • telefono-deiak eta mezuak
  • beste zerbitzu batzuk eskuratzeko laguntza
  • etxeko bisitak.

 

Zerbitzu honek laguntza eskaintzen die bakarrik bizi diren adinekoei

eta desgaitasunak dituztenei:

  • beren buruan konfiantza eta segurtasuna izan dezaten
    modu horretan beren egoera hobetzeko
  • beren ingurune familiar eta sozialean ahalik eta denbora gehien
    bizi daitezen.

 

Sailburuak esan du Eusko Jaurlaritzaren zerbitzu hau

erreferente bat dela beste herrialde batzuentzat.

 

Herrialde hauek galdetu dute,

oso interesgarria iruditzen zaielako:

  • Uruguai
  • Txile
  • Alsazia, Frantzian
  • Katalunia
  • Nafarroa

 

Zerbitzu Publikoaren 4 gida berriak

 

1. Lehenengo gidan, azaltzen da:
  • zer zerbitzu eskaintzen dituen betiONek
  • zer teknologia-mota duen
  • zer egin behar den arazo tekniko bat dagoenean.

 

2. Bigarrenean, zaintzaileek egin beharrekoak azaltzen dira:
  • nola zaindu beren buruak
  • zein diren zaindu behar dituztenen oinarrizko zainketak.

 

3. Hirugarrenean, zaintzaileei azaltzen zaie

nola zaindu behar dituzten dementzia duten pertsonak.

 

4. Laugarren gidaren izena da “Aktibatu zure burua”:

burua zaintzeko aholkuak jasotzen ditu.

 

Norentzat da betiON zerbitzua? 

 

2019an, betiON telelaguntza-zerbitzuak

53 mila pertsona baino gehiagori ematen dio arreta.

 

Gaur egun, betiONek arreta ematen die:

  • Bakarrik bizi diren 75 urtetik gorakoei
  • 65 urtetik gorakoei, mendetasuna
    edo mendetasun-arriskua aitortua dutenei.
  • Desgaitasun intelektuala fisikoa edo sentsoriala izanik
    mendetasuna aitortua dutenei
  • Buru-gaixotasuna diagnostikatua izanik
    mendetasuna aitortua dutenei

 

2018an egindako azken azterketan,

erabiltzaileek 5etik 4,5eko nota eman diote orokorrean

betiON zerbitzuari.

 

Horrek esan nahi du erabiltzaileak

oso gustura daudela zerbitzuarekin.

 

Behar duten pertsonek hemen eska dezakete zerbitzu hau:

  • beren udaletxeko oinarrizko gizarte-zerbitzuetan
  • telefonoz: 012, Zuzenean Zerbitzuan.

 

 

 

 

 

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau