Basque Teamek eta Kirol Egokituaren Euskal Federazioak bikaintasuneko kirol proiektua aurkeztu dute

Basque Team Fundazioak eta Kirol Egokituaren Euskal Federazioak

gaur aurkeztu dute hurrengo

Joko Paralinpikoetarako kirol-proiektua: Tokio 2020,

Beijing 2022 eta Paris 2024.

Proiektuaren helburua da

Joko Paralinpiko horietan

euskal kirolarien parte-hartzea sustatzea.

Bilbon aurkeztu da kirol-proiektua,

Euskadiko Artxibo Historikoan.

Aurkezpenean egon dira:

Bingen Zupiria, Eusko Jaurlaritzaren Kultura eta Hizkuntza Politikako sailburua,

Porfirio Gonzalez, Kirol Egokituaren Euskal Federazioaren lehendakaria eta

Amagoia Arrieta eta Agurtzane Eguiluz kirolariak.

Aurkeztu duten bikaintasuneko kirol-proiektua

Joko horietan kirolari olinpiko

izateko potentziala duten kirolariekin

lan egiteko da.

Bekak emango zaizkie nazioartean kategoria absolutuan

lehiatzen diren eta emaitza onak dituzten kirolariei.

Badira 10 urte Basque Team Fundazioak beka horiek ematen dituela.

Proiektuaren ardatza kirolariaren ingurunea izango da, hau da,

kirolaria inguratzen duen guztia: familia, etxea, etab.

Basque Team Fundazioa

Basque Team-en helburua kirolariei dirua eta bestelako zerbitzuak ematea da, hala nola:

• medikuak
  
  
• teknikariak
  
  
• entrenamendua
  
  
• komunikazioa
  
  
• integrazioa lanean
  
  
• ikasketak

Kirolari horiek ez dira profesionalak.

Maila goreneko nazioarteko lehiaketetan parte hartzen

eta emaitza onak lortzen laguntzen die diruak

eta ematen zaizkien zerbitzuek.

Adibidez, Joko Paralinpikoetan,

munduko eta Europako lehiaketetan...

2007a geroztik, Basque Tean Fundazioak

41 kirol-mota ezberdinetako

(eskubaloi, surf, izotz gaineko patinaje, atletismo...)

140 kirolari baino gehiagori eman dizkie bekak.