2026rako Euskadiko Aurrekontu Orokorren Proiektua onartu dute

Eusko Jaurlaritzako Gobernu Kontseilua
aste honetan bildu da
eta erabaki batzuk hartu ditu.

Maria Ubarretxena Eusko Jaurlaritzako bozeramaileak
eta Noël d 'Anjou Ogasun eta Finantzetako sailburuak
hartu dituzten erabakiak azaldu dituzte.

16 mila milioi euro baino gehiagoko aurrekontua

Gobernu Kontseiluak onartu du
2026rako Euskadiko aurrekontua.
Guztira 16.378 milioi eurokoa da,
hau da, 2025eko aurrekontua
baino ehuneko 4,1 gehiago.

Aurrekontu horretako dirua
batez ere, gai hauetan gastatuko da:
• Osasuna: 5.000 milioi euro baino gehiago.
• Hezkuntza: 3.000 milioi euro baino gehiago.
• Etxebizitza: 482 milioi euro.
• Segurtasuna: 849 milioi euro.

Aurrekontu horiek balioko dute
herritarren benetako arazoei erantzuteko
eta etorkizuneko Euskadin inbertitzeko.

Lanbide Heziketa lantokietan

Gobernu Kontseiluak onartu du
750 milioi euro gastatzea laguntzetan
2025-2026 ikasturterako
Lanbide Heziketa duala
eta lantokiko prestakuntza bultzatzeko.

Lanbide Heziketako ikasleek ikasi ahal izango dute
enpresetan lanean ere ikasten duten bitartean.

850 milioi euro ere emango dituzte laguntzetan
Lanbide Heziketako ikasleek
enpresetan lan egiten ikas dezaten,
iraila eta martxo bitarteko egonaldietan.

Euskal pilotarako dirulaguntzak

Gobernu Kontseiluak 650 mila euroko
laguntzak onartu ditu euskal pilota
Euskaditik kanpoko beste herrialdeetan
ezagutarazteko:

• 350 mila euro Euskadiko Euskal Pilota Federazioari,
Euskal Selekzioak nazioarteko txapelketetan
parte hartzeko gastuak ordaindu ditzan.
• 300 mila euro Euskal Pilota Nazioarteko Txapelketen
Antolatzaileak Elkartearentzat
Basque Pilota Nations League
36 metroko proba antolatzeko.
Bilboko Miribilla frontoian ospatuko da azaroan.

Beste laguntza eta hitzarmen batzuk

• Bilboko Arte Ederren Museoa Fundazioa:
66 mila euroko dirulaguntza egile anonimo baten
“Bilboko ikuspegia” pintura erosteko.
Laguntzak museoko bilduma indartzen du
herrialdeko kultura erakunde nagusietako bat bezala.

• Garaion Naturartea: 45 mila euroko dirulaguntza
"Hara!" proiekturako.
Arte-proiektu honek zirkuko artistak
eta Arabako herrietako herritarrak batzen ditu.

• Eustaten eta INEren arteko hitzarmena:
euskal herritarren heriotzei
eta horien arrazoiei buruzko estatistikak egiteko.
Bi erakundeak elkarlanean ari dira 1996tik
erregistro zibiletatik eta osasun zentroetatik
lortzen dituzten jaiotzei, ezkontzei
eta heriotzei buruzko datuak biltzen.