Euskadiko klima aldaketara egokitzeko proiektuak erreferentziazkoak dira Europan
Eusko Jaurlaritzako Gobernu Kontseilua
aste honetan bildu da
eta erabaki batzuk hartu ditu.
Maria Ubarretxena Eusko Jaurlaritzako bozeramaileak
eta Mikel Jauregi Industria, Trantsizio Energetiko
eta Jasangarritasuneko sailburuak
hartu dituzten erabakiak azaldu dituzte.
Klima-aldaketari buruzko proiektuak
Gobernu Kontseiluak 27,5 milioi euro
gastatuko ditu KAIA programan.
KAIAk klima-aldaketarekin lotutako
5 proiektu gauzatuko ditu.
Proiektu horiek egingo dira Zarautzen,
Bakion, Gasteizko Astegietan,
Bilboko itsasadarrean eta Txingudiko badian.
Klima-aldaketara egokitzeko proiektu hauei esker
Europar Batasunak Euskadi eredu gisa aitortu du
Europako beste eskualde batzuentzako.
Jauregi sailburuak azaldu duenez,
aitormen hori da Euskadik badakielako
plangintza egiten, erakundeen artean lankidetzan aritzen
eta irtenbide berritzaileak martxan jartzen.
Langabezia handiko eremuetako enpresentzako babesa
Eusko Jaurlaritzak 20 milioi euro gastatuko ditu
Indartu programan, SPRIren bidez.
Programa honen helburua da
enpresa berriak eta enpleguak sortzea
langabezia tasa altuak dituzten udalerrietan,
hala nola Ezkerraldean.
Baita zuzentzen zaie ere Euskadiko
urteko batez besteko langabezia
bera edo handiagoa duten udalerriei,
hau da, %7,4koa edo handiagoa dutenei.
Transferentzien Batzorde Mistoa
Pasa den ostiralean, Eusko Jaurlaritza
eta Espainiako Gobernua bildu ziren
eskumenen transferentziei buruz hitz egiteko.
Bilera horretan honako gai hauek itxi dira:
- Atzerritarren hasierako lan-baimenei buruzko eskumena.
- Laneko eta Gizarte Segurantzako Ikuskaritzaren
ikuskaritza lanari buruzko eskumena. - Meteorologiaren eta klimatologiaren eskumena.
Bozeramaileak azaldu ditu hasierako lan-baimenei buruzko
datuak eta nola kalkulatu duten
eskualdatze honen kostu ekonomikoa.
Estatuko aurrekontu orokorretan
zerbitzu honetarako bideratutakoa
baino gehiago bilduko da hemen.
4 lanpostu ere eskualdatuko dira.
Laneko eta Gizarte Segurantzako Ikuskaritzari dagokionez,
kalkulua aurreko kasuan bezala egin da,
baina ez da lanposturik eskualdatuko.
Meteorologiari eta klimatologiari buruzko akordioari dagokionez,
Euskal Autonomia Estatutuak eta Espainiako Konstituzioak
adierazten dituzten eskumenak eskualdatuko dira,
hau da, funtzioei eta informazio-trukeari buruzkoak.
Ez da baliabide ekonomikorik
edo lanposturik eskualdatuko.
Euskadiko eta Espainiako gobernuek
adostu dute "Villa Etxaide Borda" eraikina
kosturik gabe eskualdatzea.
Eskumen horiekin Euskadik irabaziko ditu:
- zerbitzu berriak eskaintzea eta kudeatzea
- erabakiak hartzeko ahalmena
- autonomia eta autogobernu
Gobernu Kontseiluaren beste akordio batzuk
- 15 milioi euro tren geltoki berri bat eraikitzeko
Astigarragan, Gipuzkoan.
ADIF eta Eusko Jaurlaritzaren artean banatuko da gastua.
Astigarragako udalak lurzorua lagako du eraikitzeko.
- Kalitate gastronomikorako laguntza.
Gastrobikain programak 750 mila euro
emango dizkie gastronomiako titulua
lortu berri duten gazteei
negozio berriak martxan jartzeko
eta kalitate onagatik ezagunak diren
gastronomia-proiektuetarako.
- Nautika eta arrantza ikasteko bekak.
Pasaiako Blas de Lezo lanbide heziketako ikastetxeetan,
Bermeoko nautika eskolan
eta Ondarroako Antiguako Ama ikastetxean
ikasten duten pertsonei emango zaizkie.
Helburua da arrantzaren hainbat sektoretan
prestakuntza egokia bultzatzea.
- 1,8 milioiko laguntzak turismoko proiektu
publikoetarako eta pribatuetarako,
Euskadiko helmugen erakargarritasuna
eta kalitatea hobetzeko.
Baita lehiakorrago eta jasangarriago izan daitezen ere.
- 50 mila euroko Regions4 Sustainable
Development Goals nazioarteko elkartearentzat.
Elkarte horrek lan egiten du eskualdeetako gobernuek
Garapen Jasangarrirako Helburuak gauzatu ditzaten.
- 3 milioi Lanbide Heziketako itunpeko ikastetxeentzat.
Programa horri esker, 2025-2026 ikasturtean zehar
irakasleak hezkuntza metodo berrietan
trebatu eta espezializatu ahal izango dira,
Lanbide Heziketako 6. Euskal Planean
adierazten den moduan.
