Bideoak Lehendakaritza
(*) Azpititulazio-zerbitzu hau sortzen da probetako software bertsio batekiko automatizatutako eran. Barka itzazue akatsak.

Lehendakariak Musikene bisitatu du ikastegiaren hogeigarren urteurrena dela eta

2022-05-13
Transkripzioa
(Musika) (Musika) Hezkuntza Sailaren sailburu zaren, Jokin, sailburuordea, Adolfo, zuzendaria, Miren, eta Musikene-ren zuzendari Miren eta baita Juan Mari "Zeler" eta baita Musikeneren kide guztiok, arduradun eta ordezkariok, irakasle eta ikasleok, jaun andreok, egun on guztioi. Eta lehenik eta behin, zorionak Musikene eta eskerrik asko zuen gonbidapenagatik. Musikak elkartzen gaitu eta musikaren bidez ari zarete urteurren hau ospatzen. Eskerrik asko. Perico Sambeat eta Big Band-ari, eskerrak, Carlos Mena eta bere ikaslei eta baita Erik Nielsen eta Bilboko Orkestra Sinfonikoari; eta "Musikene familia" osatzen duzuen profesional eta musikazale guztioi. Plazer bat izan da orain arte entzundakoa eta ikusitakoa. Plazer bat da musika lagun, gaur hemen, zuekin 20. urteurrena ospatzea. "Un pueblo que canta y baila a ambos lados del Pirineo". Horrela adierazi zuen Voltairek eta horrela da. Musika gure herriaren bidelagun izan da beti. Horregatik, duela 20 urte Musikene sortu zenean, aintzinako ibilbide bati jarraipena eman zitzaion. Urte hauetan lan asko egin duzue. Ilusio handia jarri duzue eta gaur erakunde honen etengabeko bilakaera eta hobekuntza bultzatu duzuen guztioi gure aitortza eta esker ona. Euskadin Goi Mailako musika zentro bat izatea behar bat da eta horrekin batera, zentro honek harrotasunez betetzen gaitu. Azken finean, musika gure hezkuntzaren, kulturaren eta historiaren bizkar hezurrean baitago. Horrela sentitzen dugu eta horregatik babestu eta indartzen dugu proiektu hau. Musikene Goi Mailako zentroa da, kalitatezko formazioa eskaintzen duena. Hemen, interpretazioari, konposizioari, zuzendaritzari eta pedagogiari lotutako arloetan kalitatezko irakaskuntza eskaintzen duzue. Horrekin batera, euskal hizkuntza eta kulturaren arloan egiten duzuen ikerketa lana ere azpimarratzekoa da. Musika kultura hedatzeko egiten duzuen ahaleginarekin batera. Azken urteetan eraikin bikain eta ederra hau, musikak aldamenean duen alaitasunez bete duzue. Gure herriaren erreferente bihurtu zarete eta pixkanaka hemen egiten duzuen lan bikainaren oihartzuna gure mugetatik urrutira ere iristen da. Atzerritik datozen irakasle eta ikasleak ditugu, hainbat nazionalitatekoak, eta hemen egindako lanak ere geroz eta indar gehiago hartzen du nazioartean. Comparto mi pasión por la música. La música forma parte de nuestras vidas, nos acompaña en nuestros recuerdos y en nuestras ilusiones. La música es un elemento esencial de nuestra educación, cultura, historia y convivencia. Desde su creación, Musikene se ha convertido en una referencia en la formación superior, la investigación musical, la transferencia a la sociedad de su conocimiento, la divulgación y la proyección local e internacional de la música made in Euskadi Basque Country. La música es también una invitación al encuentro. Gracias a vuestro trabajo, Musikene se ha fortalecido como punto de encuentro y colaboración con otras instituciones y organismos, tanto de Euskadi como internacionales. Agradecemos, por lo tanto también, esa cultura que suma el arraigo local con la apertura universal. Musikene es una apuesta firme de un pueblo que aprecia y ama la música. Amaitzeko, 20 urte hauetan Musikeneren irakasle guztiei eta hemen ikasi duten 1.500 pertsonei, gure esker ona adierazi nahi dizuet nahi diet zuen bitartez, guztion bitartez, musika, kultura eta alaitasuna sustraitzea eta zabaltzen da. Zuen bitartez eta denen bitartez gizarte hobeago bat eraikitzen jarraituko dugu. Zorionak, beraz, Musikene eta urte askotarako, eskerrik asko! (Musika)
Oraindik ez dago iruzkinik
  • Zerbait esan nahi duzu?… iruzkindu bideo hau
Ekitaldiko kargudunak