Adintxikoentzako psikiatria egoitzak
Euskadin adintxikoei zuzendutako osasun mentaleko egoitzak epe laburrekoak dira soilik eta lerro hauen bitartez psikiatrian, egonaldi ertainak eta luzeetako egoitzen irekierak aldarrikatu nahi ditut. Nerabe ugari daude anorexia, bere buruaz beste egiten saiatzen ari direnak eta gaixotasun edo eta trastorno psikologikoekin eta ez diegu erantzun egokirik ematen. Osakidetzatik ematen den orientabidea familiari ea aseguru pribatuak dituzten galdetzea da hauen bitartez Estatuko beste erkidegoetan ingresatzeko eta egoitzen gastuak aseguruak ordain dezaten.
-
2023-01-20Gure inguruneko ospitalizazio psikiatrikoa, funtsean, ospitale orokorreko akutuen unitateetako ospitaleratzearen inguruan egituratzen da. Kasu larrienetarako edo errefraktarioenetarako, azpiakutuen unitateak daude lurralde guztietan, behar bezala dimentsionatuta. Ospitale psikiatrikoetako egonaldi luzeek ez dute efektibitaterik, ezta eraginkortasunik ere, eta, gainera, estigma eta pronostiko txarreko iturri dira. Osasun mentaleko estrategiak eta eredu komunitarioa asistentzia psikiatrikoaren ardatz gisa ezartzeak bermatzen dituzte irizpide horiek. Nahasmendu mental larria duten eta esparru gainbegiratuagoa behar duten pertsonen kasuan, baliabide soziosanitarioak daude, hala nola gainbegiratutako pisuak edo gainbegiratze handiko unitateak, egoitza txikiak deituak, iraupen luzeko arreta behar duten kasu horietarako egokiak direnak.
Nerabeen eta patologia emergenteenen kasuan (esaterako, elikadura-portaeraren nahasmenduak), arlo zehatz horretako baliabideak optimizatzen ari dira, zuk deskribatzen dituzun egoerei estaldura emateko
