Herritarren eskaerak Hezkuntza
Eu

Eskolen hauteskunde edo kontsultetan familia desberdinen boto kopurua

Iratxe(e)k
2018.eko abenduak 12
0 boto

Kaixo!

Aurten eskolako ordutegia aldatzeko saiakera egin dugu... prozeduraren nondik norakoak begiratzerakoan, konturatu naiz familia guztiek ez dugula eskolan pisu bera. Hau da, arautegiak dio Ama eta Aitak edo tutoreak bozkatu dezaketela. Gauzak horrela, bi gurasoz osatutako familia batek bi boto dauzka, eta guraso bakarreko familia batek boto bakarra.

Ulertu dezaket Eskolako Organo Gorenari buruzko bozketan honek zentsua izatea familia bateko guraso biek parte hartu dezaketelako hautagai bezala. Baina gainontzeko bozketan ez dauka ez hanka ez bururik. Guraso bakarreko familiok betebehar berdinak baditugu, eskubide berdinak izan behar ditugu eta gainontzeko familien pisu berdina eskolan.
Kataluniako eskoletan guraso bakarreko familiek bi boto dauzkate.

Hurrengo ikasturterako familien arteko desberdintasun hau desagertzea eskatuko nizueke.

Mila esker,
Iratxe

Aldeko argudioak
Gehienez 255 karaktere
Kontrako argudioak
Gehienez 255 karaktere
Iruzkin bat
  • Faceless avatar thumb 70
    Zerbait esan nahi duzu?… iruzkindu eskaera hau
  • Hezkuntza
    2018.eko abenduak 20

    Iratxe agurgarria,
    Ezer baino lehen, eskerrak eman nahi dizkizugu zure iritzia eta ikuspuntua atari honen bidez partekatu, eta eskaera helarazteagatik. Egun indarrean dagoen araudia aldatzeko azterketa egiterakoan, kontuan hartzeko modukoa da zure ekarpena ere. Izan ere, eta dakizunez, eskoletan bestelako hainbat egoera eta eskaera ere elkartu ohi dira gai honen inguruan, eta beraz, hainbat motatakoak dira iritziak. Esate baterako, eskolan duten seme-alaba kopurua kontuan hartzea eskatzen duenik ere bada; edo hurrengo ikasturtean aplikatuko diren neurriak bozkatzerakoan, seme-alabak azken ikasturtean dituzten gurasoek bozik ez dezatela izan eskatzen duen ahotsik ere entzun izan dugu. Beraz, zehatz-mehatz aztertu beharreko gaia da hau ere, alderdi guztiak aintzat hartuta.
    Eskerrik asko, berriro ere, zure ekarpena egiteagatik.