%37,1 Ertzaintzan edo Euskadiko udaltzaingoetan sartu nahi duten emakumeak dira Gehienak Euskadikoak dira eta 18 urtetik 30 urtera bitartekoak dira, eta hizkuntza-eskakizun bat egiaztatu dute Lan-eskaintza publikoa 280 plazakoa da: Ertzaintzarako 225 eta Euskadiko 22 udaletarako 55 Gaur goizean hasi dira Barakaldoko BECen Euskal Poliziaren 5. deialdi bateraturako Eusko Jaurlaritzak deitu dituen 280 plazetako bat eskuratzeko hautaprobak. Zehazki, hiru proba egin dira: test psikoteknikoa, ezagutza-proba eta nortasun-testa; proba horiek guztiak derrigorrezkoak eta  baztertzaileak dira eta, beraz, gainditzen dituztenek baino ez dute hautaketa-prozesuan jarraituko, ondoren proba fisikoak eta elkarrizketa pertsonala egiteko.