Eusko Jaurlaritzako Justizia eta Giza Eskubideen sailburu naizen aldetik, justizia funtsezko zerbitzu publiko gisa ulertzen dut. Uste sendo horretatik abiatuta, egiturazko aldaketak sustatzeko konpromisoa hartzen dut, irisgarriagoa, eraginkorragoa eta giza kohesioa eta jasangarritasuna sustatuko dituen justizia lortzeko.
Era berean, nire eginkizuna da espetxeak kudeatzeko euskal sistemak birsozializazio politikak indartzea eta eragindako kaltea konpontzeko politika integrala sustatzea.
Justizia eta Giza Eskubideen Sailetik bultzatu nahi dugu indarkeria deslegitimatzeko esparru partekatu bat, kultura demokratiko oso bat eraikitzeko funtsezko oinarri izan dadin.
Zentzu horretan, nire lehentasuna da bizikidetza plurala, integratzailea eta giza eskubideekin konprometitua finkatzea da, iraganarekiko memoria kritikoa eta biktimekiko solidarioa lortzera bideratuta.
Helburu horiek lortzeko, Justizia eta Giza Eskubideen Saila bi sailburuordetzatan egituratzen dugu: Justizia Sailburuordetza eta Giza Eskubide, Memoria eta Bizikidetza Sailburuordetza.