Ana Telleria Auzoak Berroneratzeko eta Hiri Agendako zuzendaria da, eta kargu horretatik zuzentzen eta bultzatzen ditu hiria berroneratzeko politikak eta Euskadiko Hiri Agenda–Bultzatu 2050 aplikatzea. Hiri-inguruneak hobetzera bideratutako plan eta estrategien prestaketa eta jarraipena koordinatzen ditu, arreta berezia eskainiz eremu kalteberei eta eraikitako ondareari. Era berean, beste administrazio batzuekiko lankidetza eta Europako programetan eta berrikuntza-proiektuetan parte hartzea sustatzen ditu. Bere eginkizunen jardunean, tresna arau-emaileen, hitzarmenen eta laguntzen kudeaketa bere gain hartzen du, eta jarduera publiko koherentea eta zuzendaritzaren helburuekin lerrokatua bermatzen du.