2019an Basque Team Fundazioak bekatutako kirolari kopurua orain arteko altuena izango da. Urtero berritzen diren beka hauen bitartez inoiz ez dira hainbeste kirolari bekatu orain arte. Basque Team Fundazioaren batzorde betearazlea bildu ondoren, bikaintasuneko kirolari erakundeak laguntza ekonomikoetan emango dizkion 563.750 euroak goi mailako 66 kirolariren (34 emakume eta 32 gizon) eta 9 teknikariren artean banatzea erabaki da. Banakako beka hauez gain, nabarmendu behar da Basque Teamek 318.000 euro bideratuko dituela Euskal Federazioek kudeatuko dituzten eta datozen hitzordu olinpiko eta paralinpikoetan talentuen parte hartzea bultzatzea xede duten bikaintasun proiektuetara.