Ogasuneko Sailburuordetza honako arlo hauetan Eusko Jaurlaritzari esleitutako eskumenez arduratzen da: Ekonomia Ituna, Estatuari ordaindu beharreko kupoa eta lurralde historikoen ekarpenak, transferitu beharreko eskumen edo zerbitzuen balorazioa, finantza-fluxuak zehaztea eta kudeatzea Gizarte Segurantzaren finantzaketari dagokionez, finantza-jarduera beste administrazio publiko batzuekin koordinatzea, harmonizazioa, koordinazio eta lankidetza fiskala, zerga-administrazioa eta erreklamazio ekonomiko-administratiboak, baita ondarearen arloan eta kontratazioaren alderdi orokor eta zeharkakoetan ere.