Justiziako sailburuordea naizen aldetik, Botere Judizialarekiko harremanez arduratzen naiz, haren funtzionamendu egokia bermatzeko beharrezkoak diren baliabideak hornituz, bai eta Euskadiko espetxe-sistemaren kudeaketarako baliabideak ere. Halaber, nire sailburuordetzak gazte justiziaren arloko eskumenak ditu eta Justizia Administrazioan hizkuntza normalizaziorako oinarrizko araudian jasotako eskubideak bermatzen ditu.
Gure helburuak lortzeko, Justizia Sailburuordetzak honako zuzendaritzetan egituratzen da: Justizia Administrazioko Zuzendaritza, Justizia Digital eta Azpiegituren Zuzendaritza, Justizia Zuzendaritza eta Espetxe Zerbitzuen Zuzendaritza. Gizarteratzearen arloa, berriz, Aukerak – Gizarteratzearen Euskal Agentzia zuzenbide pribatuko erakunde publikoari dagokio.