Segurtasunaren arloan heziketa eta prestakuntza emateko lanean ari gara. Euskal errepideak seguruak izateko oinarria da gure bideak modu arduratsuan eta errespetuz erabiltzea. Gure errepideetan ibilgailu motordunak, bizikletak eta oinezkoak dabiltza eta guri dagokigu horien guztien alde lan egitea. Gainera, errepideetan gertatzen dena aztertzen dugu eta garraio bereziak, kirol-probak eta gidari-eskolak baimentzen ditugu eta; aldi berean, erabiltzaileei trafikoari buruzko informazioa ematen diegu. Hori guztia Ertzaintzarekin elkarlanean egiten dugu, horrela euskal bide-sarea gero eta seguruagoa izan dadin. Hauxe da euskal gizartearekin dugun konpromisoa.