Emakunderen arduraduna naizen aldetik,nire ahalegin guztia Euskal Autonomia Erkidegoko politika, ekonomia, kultura eta gizarte alorretan emakume eta gizonen arteko benetako berdintasun eraginkorrerantz aurrera egiten jarraitzera bideratuta dago. Bide honetan, egon badaude oraindik erronka asko eta lanean jarraitzeko esparruak: erakundeetan berdintasunaren aldeko egiturak finkatzea, emakumeen ahalduntzean eta baloreen aldaketan lan egitea, gizarte-antolaketa erantzunkidea bultzatzea, eta emakume eta gizonen arteko berdintasun ezaren ezaugarririk bortitzena eta ikusgarriena den emakumeen kontrako indarkeria matxista desagerrarazteko lanean jarraitzea. Hauek dira Emakunden mahai gainean ditugun erronka batzuk eta horien alde ari gara lanean.