Gure zeregina da osasun-arloko ikerketa- eta berrikuntza-politika programatzea, batez ere praktika klinikoa hobetzera eta Osasun Sailaren helburu estrategikoak lortzera bideratuta, baina baita aberastasuna sortzen laguntzera ere, beste sail batzuekin lankidetzan.
Zuzendaritza honen ardura da ikerketa eta berrikuntza sanitarioko jardueren plangintza, koordinazioa eta zuzendaritza estrategikoa egitea, emaitzak ohiko asistentzia-praktikara eramatea errazteko.
Jarduera-eremu honetan sartzen da euskal osasun-sistemaren ikerketa- eta berrikuntza-jarduera, Bioaraba, Biocruces Bizkaia eta Biodonostia osasun-ikerketako institutuetan, Kronikgune osasun-zerbitzuen ikerketa zentruan eta BIOEF Ikerketa Berrikuntza eta Sanitariorako Euskal Fundazioan egituratua, zeinak Euskal Biobankua barne hartzen baitu.