Ekonomia eta Plangintza Zuzendaritza Jaurlaritzaren epe ertaineko politika ekonomikoa koordinatu eta monitorizatzeaz eta jarraibideak lantzeaz arduratzen da. Gainera, Euskal Sektore Publiko osoaren ekonomia- eta finantza-jardueraren jarraipena eta azterketa egiteaz arduratzen da. Halaber, Zuzendaritza da programa eta politika publiko guztiak ebaluatzeko eta aztertzeko itundutako prozesuaren buru, Eusko Jaurlaritzaren plangintza eta ekintza estrategikoa etengabe hobetzen laguntzeko.

Azpimarratu behar da, halaber, Zuzendaritzak, bere jarduera gauzatzeko, alde batetik, simulazioak eta iragarpenak egiteko eredu ekonomiko zorrotz eta egiaztatuak dituela, euskal ekonomiaren bilakaera zehaztasunez aztertu eta jarraitzeko aukera ematen dutenak, eta, bestetik, "Ekonomiaz aldizkaria" zuzentzen duela. Aldizkari hori bide pribilegiatua da arlo ekonomikoko ezagutza zientifiko aurreratuenak ezagutzeko erabaki politikoak hartzen laguntzeko.