Zuzendaritza honetan osasunaren arloko ikerketa- eta berrikuntza-politika programatzen dihardugu, baita lehentasunak zehazten ere. Osasun Sailean I+G+b jarduera garatzeko eta modu integratuan kudeatzeko jarraibide eta irizpide orokor komunak lantzen dira, eta Eusko Jaurlaritzako beste sail batzuekin eta erakunde publikoekin elkarlanean dihardugu osasuneko I+G+b arloko zeharkako politikak garatzen.

Jarduera-eremu honetan sartzen da euskal osasun-sistemaren ikerketa- eta berrikuntza-jarduera eta honako hauetan egituratzen da: BIOEF Ikerketa eta Berrikuntza sanitariorako Euskal Fundazioa, Bioaraba, Biocruces Bizkaia eta Biodonostia Osasun Ikerketako Institutuak eta Kronikgune Osasun Zerbitzuen Ikerketarako Institutua. Gainera, sendagaiekin, osasun-produktuekin edo horiekin zerikusia duten beste esku-hartze batzuekin lotutako ikerketa klinikoarekin lotutako jarduerak garatu eta koordinatzen dira, eta Osasun Sailak zehaztutako helburu estrategikoak lortzera bideratutako osasun-zerbitzuetan berrikuntza-esperientziak sustatu eta ebaluatzen dira, horien translazioa eta eskalatzea erraztuz.