Zientzia Politikarako Zuzendaritzan, ikerketa teorikoko eta aplikatuko programak bultzatzea eta koordinatzea dagokigu, horretarako ikerketa-planak modu egokian gauzatu daitezen beharrezkoak diren baliabideez arduratu behar dugu, ikertzaileak hautatzeko eta prestatzeko programak eta unibertsitatearen eta zientziaren esparruan azpiegiturak sortzeko programak bultzatzen ditugu. Guzti horrekin, gure herriko zientzia-komunitatearen bikaintasun-mailak gorago jo dezan eragin nahi dugu, Europako ikerketa-sisteman modu egokian kokatzeko aukera izan dezan, eta horrela tokiko mailan zein nazioarteko mailan agertuko zaizkigun erronkei aurre egiteko gaitasuna bermatzen dugu.