Eusko Jaurlaritzak euskararen erabileraren aitortza ekitaldia egin du gaur Gasteizeko Europa Jauregian. Bertan erakunde publiko eta pribatuek euskararen kudeaketan eta garapenean eman dituzten aurrerapausoak aitortu dira. Hizkuntza Politikako sailburuordea, Aitor Aldasoro, izan da ekitaldiaren buru eta bertan izan dira, baita Eusko Legebiltzarreko Presidentea, Bakartxo Tejeria; Ongizatea, Gazteria eta Erronka Demografikoko sailburua, Nerea Melgosa; Hizkuntza Ikerketa eta Koordinaziorako zuzendaria, Sonia Rodriguez, eta Herri Administrazioetan Hizkuntza Normalizatzeko zuzendaria, Joseba Lozano, beste erakundeetako hainbat ordezkarien artean.