Laneko eta Gizarte Segurantzako Zuzendaritza, lurralde-ordezkaritzekin batera, Euskadiko Lan Agintaritza da, eta lan-arloko legeria betetzen dela bermatzen du. Besteak beste, eskumen hauek ditu:
• Euskal Autonomia Erkidegoko Laneko eta Gizarte Segurantzako Ikuskaritzaren jarduera eta funtzionamendua zuzendu, koordinatu eta gainbegiratzen du, eta ikuskapen-jarduketaren planak eta programak ezartzen ditu. Era berean, Lan Ikuskaritzaren jardunari buruzko memoriak eta txostenak egitea dagokio.
• Lan-arloko arau-hauste oso larriengatiko zehapenak ezartzen ditu, Gizarte Segurantzaren arloko arau-hausteei dagozkienak izan ezik.
• Euskadiko jaiegunen egutegi ofiziala egin eta izapidetzen du.
• Kaleratze kolektiboko prozedurak (enplegu-erregulazioko espedienteak), kontratuen etete-prozedurak (aldi baterako enplegu-erregulazioko espedienteak) eta lanaldi-murrizketak aztertu, izapidetu eta ebatzi egiten ditu, hala dagokionean.
• Indarrean dagoen ordenamendu juridikoak lan-agintaritzari esleitzen dizkion bitartekaritza-, arbitraje- eta adiskidetze-eginkizunak betetzen ditu.
• Euskal Autonomia Erkidegoko sindikatuen eta enpresa-erakundeen estatutuen gordailuari dagokion Bulego Publikoa zuzentzen du.
• Sindikatu Hauteskundeen Bulego Publikoa zuzentzen du.
• Hainbat erregistro zuzendu eta kudeatzen ditu, besteak beste, Euskadiko Lan Hitzarmen Kolektiboen eta Berdintasun Planen erregistro telematikoa, laneko arriskuen prebentzioaren arloko arau-hauste oso larriengatik zehatutako enpresena, eraikuntzaren sektorean akreditatutako enpresena, Lan Istripuen eta Lanbide Gaixotasunen Izapidetze telematikoarena, Laneko Arriskuen Prebentzioko ordezkariena, Kanpoko Prebentzio eta Auditorien zerbitzuena, eta Aldi Baterako Lan Enpresena.