Asturiasek koordinatu ditu 2022an eskualdeen arteko hitzarmenaren ekintzak, eta Europako ekoturismo-korridore handiena martxan jartzeko Europak finantzatzea lortu du. Alemania, Frantzia, Erresuma Batua, Italia, Herbehereak, Estatu Batuak eta Brasil izan dira aurtengo ekintzen ardatzak. Oviedok Espainia Berdearen urteko azken bilera hartu du gaur goizean. Lurralde-marka horren bidez Galizia, Asturias, Kantabria eta Euskal Autonomia Erkidegoa elkarlanean ari dira Kantauri itsasoko ertza atzerrian kokatzeko. Asturiasko Turismoko sailburuorde Graciela Blanco topaketaren buru zela—2022an markaren koordinatzaile zen aldetik—, lau erkidegoetako ordezkari instituzional eta teknikoek Europako eta Amerikako hainbat merkatutan aurten egindako lanaren balantzea egin dute.