Eusko Jaurlaritzako Hezkuntza sailburu naizen aldetik, Euskadiko hezkuntza zuzentzea da nire egitekoa. Sail honetan unibertsitateaz kanpoko hezkuntzaz zein unibertsitatekoaz arduratzen gara, hau da, Haur Hezkuntzatik Batxilergora bitarteko etapa guztiez, bai eta Lanbide Heziketaz, Helduen Hezkuntzaz, Hizkuntza Eskola Ofizialetako irakaskuntzaz eta Araubide Bereziko Irakaskuntzez ere. Gure kudeaketak irakaskuntza publikoaren eta pribatuaren erregulazioa hartzen ditu, bai eta ikastetxe pribatuekiko itunak ere. Goi-mailako hezkuntzarekin batera, politika zientifikoaz eta ikerketaz ere arduratzen gara.

Hezkuntza Saila osatzen duten lau sailburuordetzen eta profesional-taldearen laguntzarekin, gure gizartearen etorkizuna eraikitzeko oinarririk sendoena hezkuntza dela sinetsita ari gara lanean.