Osalanen, langileen osasunarekin zerikusia duten jardunak kudeatzen, koordinatzen eta sustatzen ditugu. Langileak enplegatzen dituzten ekonomia-jardueraren adar guztietara iristen dira gure eskumenak, herri-administrazioak, lan elkartuko kooperatibak eta gainerako kooperatibak ere sartzen direlarik hor, bazkide langileei dagokienez.
Ematen ditugun zerbitzu ugarien artean nabarmentzekoak dira enpresentzako, prebentzioko profesionalentzeko, ordezkarientzako, langileentzako eta herritarrentzako aholkularitza; baldintza material jakin batzuetan ari diren enpresak ikuskatzea eta betebeharrak behin eta berriro huts eginez gero Lan eta Gizarte Segurantzako Ikuskaritzari jakinaraztea, lan-istripu larriak, oso larriak eta hilgarriak ikertzea, lanbide-gaixotasunak aztertzea eta amiantoa duten materialak kentzeko lanak kontrolatzea.