Euskal Unibertsitate Sistemaren Kalitate Agentziak (Unibasq) Euskal Unibertsitate Sistemaren kalitatea ebaluatzea, akreditatzea eta ziurtatzea du helburu, Espainiako eta nazioarteko esparrua kontuan izanik. Helburu hori lortzeko, honelako jarduerak garatzen ditu: Euskal Unibertsitate Sistemaren alorrean kalitatea sustatzea eta bermatzea; Euskal Unibertsitate Sistemaren kalitatearen hobekuntzan laguntzea; Agentziaren jardueren emaitzei buruzko informazioa gizarteari helaraztea; eta Administrazio publikoei, unibertsitateei eta hezkuntza edo zientzia eta teknologia arloko eragileei erabakiak hartzeko prozesuetarako informazioa eta irizpideak ematea, agentziak bere esku dituen eginkizunekin zerikusia dutenean.