Zientzia eta Berrikuntza Sailburuordetzari dagokio euskal politika zientifikoa eta berrikuntza-politika garatzea, enpresa-berrikuntza izan ezik. Halaber, sailen eta erakundeen arteko koordinazioa gauzatzen du Zientzia, Teknologia eta Berrikuntza Planaren eremuan, planaren helburu orokorretara bideratutako ekimen estrategikoak bultzatuz. Sailburuordetza honek Eusko Jaurlaritzaren Berrikuntza Funtsa kudeatzen du, zientzia eta berrikuntzako proiektu handiak eta azpiegitura zientifiko estrategikoak sustatuz eta koordinatuz, besteak beste IKUR 2030 eta Basque Quantum estrategiak.

Era berean, oinarri zientifikoko ekintzailetza eta Ikerbasque Zientziarako Euskal Fundazioak garatutako ikertzaileen sorrera, erakarpena, atxikipena eta aberriratzea bultzatzen ditu. Bestalde, BERC bikaintasuneko ikerketa-zentroen eta CIC lankidetzako ikerketa-zentroen sustapenaren arduraduna da.

Honen gainean, Zientzia, Teknologia eta Berrikuntzaren Euskal Sistema Europako Ikerketa Sisteman integratzea errazteko neurriak eta ekintzak sustatu behar ditu, eta beste administrazio batzuekiko harremanetarako organoa izan behar du zientziaren eta berrikuntzaren arloko programa osagarrien eta Europako funtsen arloan.