Zuzendaritza honetatik, Osasun Sailarekin lankidetzan, plan estrategiko eta operatiboak diseinatu, planifikatu eta ebaluatzen ditugu ikerketa eta berrikuntza jardueren inguruan. Euskal Osasun Sistemaren ikerketa eta berrikuntza sustatu eta errazten dugu. Horretarako, jarduerak sistemaren lehentasun estrategikoei daude bideratuta; prozesuontzat egokienak diren antolaketak eta egiturak diseinatzen ditugu; arrazionalizazioaren eta giza- zein materia-baliabideen irizpideetan oinarrituta dedikazioa eta kudeaketa integrala errazten dugu, kudeaketa eta prozeduren bateratze-jardueren koordinazioa bermatze aldera. Ikerketaren eta berrikuntzaren emaitzen erabilera sustatzen eta errazten dugu, eta sortutako jakintzaren eta teknologiaren transferentzia eta balorizazio eraginkorra bermatzen dugu, osasun sistema eta hiritarren sistema etengabe hobetzeko eta aberastasuna sortzeko. Beste agenteekin, enpresekin, erakunde publikoekin eta sektoreekin lankidetza errazten dugu balioa eratzeko lagungarriak izan daitezkeen eta Euskadiren garapen sozioekonomikoa bultzatuko duten sinergiei onura ateratzeko. Osasun Sistemak eta Euskadik duten izen onari eusteko eta nazioarteko erreferente gisa posizionatzeko egingo dugu lan.