2005. urtearekin alderatuta, BEG emisioak %33 murriztea lortu da eta, hala, planak ezartzen zuen %30eko helburua gainditu da             Inbertsio mobilizatuak BPGa urtean batez beste 160 milioi euro igotzea eta 2021-2024 aldian urtean bi mila enplegu baino gehiago sortzea ekarri du Eusko Jaurlaritzak 2021-2024ko Trantsizio Energetikorako eta Klima Aldaketarako Planaren ebaluazioari buruzko azken txostena argitaratu du, eta argi geratu da aurrerapen handiak izan direla Berotegi Efektuko Gasen emisioen murrizketan eta erresilientzia klimatikoan, nahiz eta azpimarratu duen energia berriztagarrien  instalazio berrien ezarpena bizkortzeko beharra dagoela.