Funtzio Publikoaren Sailburuordetzan, batez ere, honako hauek lantzen ditugu: Euskal Autonomia Erkidegoaren eremuan pertsonen kudeaketaren politika planifikatzea, zuzentzea eta koordinatzea; EAEko Administrazioaren zerbitzura dauden langileen politika diseinatzea, gauzatzea eta kudeatzea; prestakuntza-arloko jarraibideak proposatzea; langileen ordezkariekin harremanak izatea eta negoziatzea; eta lortutako itunak eta akordioak betetzearen ondoriozko ekintzak.

Azken aldian Funtzio Publikoko Sailburuordetza arduratu da gauzatzen ari diren proiektu estrategikoak gidatzeaz eta bultzatzeaz; proiektu horien xedea da pertsonen kudeaketa optimizatzea, bateratzea eta egokitzea teknologiari eta funtzionaltasunari dagokienez.