Zumaiako Balenciaga ontziolan eraikitako Telmo merkantzia-ontzia gaur arratsaldean itsasoratu dute itsasgora aprobetxatuz, eta inolako arazorik gabe zeharkatu ditu kanala eta porturako sarbidea portuko gidarien laguntzaz. Datozen egunotan motorrak, ekipo elektriko eta elektronikoak, komunikazioak eta nabigaziorako beharrezkoak diren gainerako elementu guztiak probatuko dituzte martxan jarri aurretik.