Zerbitzu Zuzendaritzaren bidez, Lan eta Enplegu Sailaren aurrekontu-aurreikuspenak egiten ditugu, gure mendeko erakunde autonomoen eta erakundeen aurrekontu-proiektuak koordinatzen ditugu, eta horien guztien jarraipena egiten dugu. Era berean, langileak eta baliabide materialak kontratatzeko eta kudeatzeko organoa gara, aurrekontuaren jarraipen ekonomikoa egin eta koordinatzen dugu, eta informazio-sistemen beharrak antolatzeko eta definitzeko ardura dugu, genero-berdintasunerako eta euskararen erabilera sustatzeko politikak bultzatzen ditugu, eta lanpostuen zerrenda egiten dugu, langile-beharrak kontuan hartuta. Halaber, Sailari dagozkion estatistikak egiten dira, Euskal Estatistika Planean ezarritakoaren arabera.