Bigarren Hezkuntzako ikasleek musikarien lana, ibilbidea eta sortze prozesua hurbiletik ezagutuko dituzte, ikastetxean bertan Martxoan hasi eta ekainera bitartean musikariek 92 saio egingo dituzte eskola eta institutuetan DBHko 3. eta 4. mailetako eta Batxilergoko ikasleei zuzenduriko ekimenak kultura transmisioa ere badu helburu: gazteen artean euskal kantagintza ezagutaraztea Begoña Pedrosa Hezkuntza sailburuordeak gaur goizean aurkeztu du Bilbon Hezkuntza Sailak martxan jarri berri duen programa: Musikariak Ikastetxeetan. DBH-ko 3. eta 4. mailetako eta Batxilergoko ikasleei zuzenduriko programa honen bidez, musikariek saioak eskainiko dituzte ikastetxeetan, ikasleekin solasaldiak izan, euren sortze prozesuaz eta ibilbideaz jardun eta tartean, hainbat kantu eskaini, zuzen-zuzenean.