- Hezkuntza-sistema antolatzeko, eraldatzeko eta berritzeko ekintzak planifikatzea, goi-mailakoak ez diren irakaskuntzen, curriculumaren eta araudiaren garapenaren, irakasleen prestakuntzaren, hezkuntza-laguntzako berariazko premien eta hezkuntza-berrikuntzako programen garapenaren arloko hezkuntza-politika definitzea eta koordinatzea.
- Ikaskuntza ebaluatzeko jarduketak gainbegiratzea, hezkuntza hobetzeko planak ezartzeko behar diren neurriak hartzeko eta kontrolatzeko.
- Irakasgaien edukien ezarpena gainbegiratzea, irakaskuntzako funtzio publikoan eta hezkuntzako ikuskaritza- eta laguntza-zerbitzuetan sartzeko.
- Hezkuntza eleaniztunaren eredua diseinatu, planifikatu, koordinatu eta ebaluatzea, Lanbide Heziketako Sailburuordetzarekin koordinatuta.
- Digitalizazioa eta kultura digitala sustatzea hezkuntza-etapa guztietan.
- Goi-mailakoak ez diren irakaskuntzetako irakasleei prestakuntza eta aholkularitza ematea metodologia eta teknologia desberdinetan, irakasleen nahiz ikasle guztien prestakuntzaren etengabeko hobekuntza garatuz.
- Goi-mailakoak ez diren irakaskuntzetako ikastetxeen autonomia areagotzea eta lidergo pedagogikoa bultzatzea.
- Lanbide Heziketako Sailburuordetzarekin eta Zientzia, Unibertsitate eta Berrikuntza Sailarekin koordinatzea Euskadiko Steam Estrategiaren garapena eta ezarpena.
- Aniztasunaren tratamendua sustatzea esparru inklusibo baten barruan, bere eskumen-eremuko hezkuntza-etapetan.
- Ikastetxe eta unitate publikoak sortu, eraldatu eta kentzeko proposamenak egitea, bai eta goi-mailakoak ez diren irakaskuntzetako ikastetxe eta unitate publikoetarako baimenak eman, aldatu eta azkentzeko proposamenak ere.
- Haurreskolak Partzuergoarekiko eta Bizkaiko Osabidezko Hezkuntzako Partzuergoarekiko harremanak bultzatzea eta koordinatzea.
- Garraio- eta jantoki-politika bultzatzea eta sustatzea goi-mailakoak ez diren irakaskuntzetako ikastetxe publikoetan. Bai eta beka eta laguntzen politika bultzatu eta sustatzea ere.
- Unibertsitateen eta unibertsitateaz kanpoko hezkuntzaren arteko lankidetza sustatu, bultzatu eta ezartzea prestakuntzaren, ikerketaren eta berrikuntzaren arloan, Zientzia, Unibertsitate eta Berrikuntza Sailarekin lankidetzan.